fbpx
Shadow Shadow

پرۆژەیاساى “پاراستنى بەرهەمە خۆماڵییەکانى هەرێم” گفتوگۆی لەبارەوە کرا

18:48 چوار شه‌ممه‌ 20 تشرینی دووه‌م 2019
article image

ناس کورد-

سەرۆکى پەرلەمانى کوردستان و وەزیرانى کشتوکاڵ و بازرگانى هەرێم، لەبارەى پرۆژەیاساى پاراستنى بەرهەمە خۆمالییەکانى هەرێم کۆبوونەوە.

,

ئەمڕۆ چوار شەممە 20ى تشرینى دووەمى 2019، بێگەرد تاڵەبانى، وەزیرى کشتوکاڵ و سەرچاوەکانى ئاو و كەمال مسلم، وەزیری بازرگانی و پیشەسازی لەگەڵ ڕێواز فایەق، سەرۆکى پەرلەمانى کوردستان کۆبوونەوە، گفتوگۆیان لەبارەى پرۆژەیاساى پاراستنى بەرهەمى خۆماڵى کرا.

,

بەگوێرەى ڕاگەیەندراوى وەزارەتى کشتوکاڵى هەرێم، بێگەرد تاڵەبانى، وەزیری كشتوكاڵ و سەرچاوەكانی ئاو لەو کۆبوونەوەیەدا جەختى لەسەر ئەوە کردووەتەوە: “پاراستنی بەرهەمی خۆماڵی ئەولەویەتی كارەكانمانە”.

,

,ئەوەش خراوەتەڕو، لە کۆبوونەوەکەدا سەرۆکى پەرلەمان و وەزیرى بارزگانى باسیان لە گرنگى پرۆژەکە کردووە، دواتر، وەزیری كشتوكاڵ و سەرچاوەكانی ئاو تێبینیيەكانی وەزارەتی  كشتوكاڵی لەسەر پڕۆژەیاساكە خستەڕو، تایبەت بە پاراستنی بەرهەمی خۆماڵی لەگەڵ خواستی بازاڕ.

,

لەكۆتایی كۆبوونەوەكەشدا بڕیاردراوە، هەفتەی داهاتو لەنێوان لیژنەى تایبەتى هەردوو وەزارەت و لیژنە پەیوەندیدارەكانی پەرلەمان كۆبوونەوە بكرێت، بۆ ئەوەی پڕۆژەیاساكە دەوڵەمەند بكرێت و “خزمەت بە بەرهەمی خۆماڵی بكات” بە ڕەچاوكردنی مافی بەكاربەر، وەک لە ڕاگەیەندراوەکەى وەزارەتى کشتوکاڵدا هاتوە.

,

لە کۆبوونەوەى پێشوترى پەرلەمانى کوردستان خوێندنەوەى یەکەم بۆ “پرۆژەیاساى پاراستنى بەرهەمى خۆماڵى هەرێمى کوردستان” کرا، بڕیاریشە لە ماوەکانى داهاتودا پرۆژەکە پاش هەڵسەنگاندنى بگەڕێندرێتەوە پەرلەمان.

 

,

 

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل