fbpx
Shadow Shadow

لایەنە کوردییەکان دژی سڕکردنی ئەنجومەنی پارێزگاکانن

پرسی سڕکردنی ئەنجومەنی پارێزگاکان لە پەرلەمانی عێراق دواخرا

16:13 سێ شه‌ممه‌ 08 تشرینی یه‌كه‌م 2019
article image

ناس کورد- شەهرام عەزیز

دانیشتنی پەرلەمانی عێراق کۆتایی هات و جگە لەوەی چەندین بڕیار تایبەت بە خۆپیشاندانەکان درا، بڕیاریشدرا پڕۆژەیەک ئامادەبکرێت بۆ سڕکردنی ئەنجومەنی پارێزگاکان، بەڵام تائێستا دیارنییە کە دەتوانن ئەو کارە بکەن یاخود نا.

,

حەسەن ئاڵی، سەرۆکی لیژنەی هەرێمەکان لە پەرلەمانی عێراق بە ناس کوردی ڕاگەیاند: “لە دانیشتنەکەی ئەمڕۆدا بڕیاردرا لیژنەی یاسایی و لیژنەی هەرێمەکان تاووتوێی پرسی سڕکردنی ئەنجومەنی پارێزگاکان بکرێت و پڕۆژەیەک بۆ ئەو مەبەستە ئامادە بکەین”.

,

ئاماژەی بەوەشکرد، ڕۆژی پێنجشەممە دووبارە ئەو پرسە دەخرێتەوە بەر باس، چونکە هەندێک لایەن پێیانوایە ئەو ئەنجومەنانە وادەی یاساییان کۆتایی هاتوە و هیچ کارێکیان نییە.

,

سەرۆکی لیژنەی هەرێمەکان لە پەرلەمانی عێراق ئەوەشی خستەڕو، وەک زۆرێک لایەنە کوردییەکان پێیانباشە ئەو ئەنجومەنانە بەردەوام بن، چونکە ئەگەر سڕ بکرێن ئەوا بۆشایی یاسایی دروست دەبێت.

,

هاوکات سەرکەوت شەمسەدین بۆ ناس کورد وتی، جگە لەوە، 21 بڕیار لەبارەی خۆپیشاندانەکان و چاکسازییەکانەوە دەنگی لەسەر درا و لەمەودوا حکومەت کاریان لەسەر دەکات.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل