Shadow Shadow

پارێزبەندی یاسایی لەسەر دوو پەرلەمانتاری عێراق هەڵگیرا

17:51 سێ شه‌ممه‌ 20 ئاب 2019
article image

ناس کورد

بەبڕیاری سەرۆکی پەرلەمانی عیراق و لەسەر داوای ژمارەیەک پەرلەمانتار، پارێزبەندی یاسایی لەسەر دوو پەرلەمانتاری ئەنجومەنی نوێنەران هەڵگیراوە.

.

بەپێی نوسراوێک کە ئەمڕۆ سێشەممە میدیاکانی عیراق بڵاویانکردووەتەوە، لەچەند ڕۆژی ڕابردودا محەممەد حەلبوسی سەرۆکی پەرلەمانی عیراق بڕیاریداوە، بە هەڵگرتنی پارێزبەندی لەسەر هەردوو پەرلەمانتار تەڵاڵ زوبەیعی لە فراکسیۆنی هاوپەیمانی قەرار و ئیبتیسام محەممەد لهێبی، لە هاوپەیمانی سوننەکانی عیراق.

.

ئەنجوومەنی نوێنەرانی عێراق ڕایگەیاندوە: “بە هۆی تۆماركردنی ژمارەیەک سكاڵا لەسەر زوبەیعی بەتۆمەتی تێوەگلان لە گەندەڵی، لەسەر داوایەكی ئەنجوومەنی باڵای دادوەریی كە پێشتر ئاراستەی سەرۆکایەتی پەرلەمانی كردبوو،  پارێزبەندی لەسەر ئەو پەرلەمانتارە هەڵگیراوە.”

.

لە ڕاگەیەندراوەكەدا ئاماژە بەوەشدراوە “ئەو تۆمەتانەی ئاراستەی تەلاڵ زوبەیعی كراون بۆ ئەو ماوەیە دەگەڕێتەوە كە لە خولی سێهەمی ئەنجوومەنی نوێنەراندا سەرۆكی لیژنەی دەستپاكی بووە، هەروەها داوا لەو كەسانە کراوە كە سكاڵایان لەسەر ت تۆماركردووە، سەردانی دادگاكان بكەن.”

.

لە بەرانبەردا هاوپەیمانی قەرار رایگەیاندوە: “هەڵگرتنی پارێزبەندی لەسەر ئەو پەرلەمانتارەیان بڕیارێکی “لەناکاو” بووە و پێشیان وایە بڕیارەکە سیاسیە کە پەرلەمانتارکە و هاوپەیمانێتییەکەیان بە ئامانج گیراوە.”

.

هاوکات هەر ئەمڕۆ نوسراوێکی تر بڵاوکراوەتەوە کە واژۆی محەممەد حەلبوسی سەرۆکی پەرلەمانی عیراقی لەسەرە، ئیبتیسام لهێبی لە هاوپەیمانی سوننەکانی عیراق پارێزبەندی یاسایی لەسەر هەڵگیراوە.”

.

پێشتریش ئەنجوومەنی باڵای دادوەریی عێراق، دوو داوای ئاراستەی سەرۆكایەتی ئەنجوومەنی نوێنەران كردبوو تیادا داوای كردبوو پارێزبەندی لەسەر 21 ئەندامی ئەنجوومەنی نوێنەران هەڵبگیرێت كە تۆمەتبارن بەتێوەگلان لە گەندەڵی.

پارێزبەندی یاسایی لەسەر دوو پەرلەمانتاری عێراق هەڵگیرا پارێزبەندی یاسایی لەسەر دوو پەرلەمانتاری عێراق هەڵگیرا

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل