fbpx
Shadow Shadow

پارتى و یەکێتى و گۆڕان "کۆدەبنەوە"

بەرپرسێکى پارتى: لەگەڵ گۆڕان پابەندین بە ڕێککەوتنى نێوانمانەوە

12:16 چوار شه‌ممه‌ 30 تشرینی یه‌كه‌م 2019
article image

ناس کورد-

 

بەرپرسێکى پارتى دیموکراتى کوردستان ڕایگەیاند، بەم نزیکانە کۆبوونەوەى سێقۆڵى لەنێوان حزبەکەى و یەکێتى و گۆڕان ئەنجام دەدرێت و پارتی و گۆڕان پابەندن بەرێککەوتنى نێوانیانەوە.

.

هۆشیار سیوەیلى بەرپرسی پەیوەندییەكانی دەرەوەی پارتی بە میدیاى فەرمى حزبەکەى ڕاگەیاندووە “لەگەڵ بزووتنەوەی گۆڕان رێككەوتنێكی سیاسی لە نێوانماندا هەیە، هەردوولاش پابەندی ڕێككەوتنە سیاسییەكەن، هەروەها لیژنەیەكی هاوبەش لە ئاستی باڵادا پێك هێندراوە”.

.

وتیشى “لە ئایندەیەكی نزیكدا كۆبوونەوەی سێقۆڵیی پارتی و یەكێتی و گۆڕان بۆ دابەشكردنی پۆستە ئیداری و بەڕێوەبەرە گشتییەكان و پڕكردنەوەی پۆستە وەزارییەكان ئەنجام دەدرێت، ئەویش بەپێی بەركەوتەی حكوومەت و پەرلەمان، هاوكات هەماهەنگییەكی باشیش لەو چوارچێوەیەدا هەیە”.

.

وتەکانى ئەو بەرپرسەى پارتى لەکاتێکدایە، ماوەیەکە دەنگى ناڕەزایی لەلاى بەشێک لەبەرپرسانى گۆڕان بەرزبوەتەوە، لەبارەى “جێبەجێنەکردنى” رێککەوتنەکەیان لەگەڵ پارتى و ئەو حزبە تۆمەتبار دەکەن بەوەى ڕێککەوتنەکەى نێوانیانى جێبەجێنەکردووە.

.

بەشێکى ناڕەزاییەکانى بەرپرسانى گۆڕان پەیوەندى بە دانانەنانى یاریدەدەرى سەرۆکى حکومەتەوە هەیە بۆ کاروبارى چاکسازى، کە بەپێى ڕێککەوتنەکە پشکى گۆڕانە، ناڕەزاییەکانى دیکەش پەیوەندیان هەیە بە دانانى ژمارەیەک یاریدەدەر بۆ سەرۆکى حکومەت کە بەشێکیان پێشتر لە ڕیزەکانى گۆڕاندا بوون و وازیان لەو بزوتنەوەیە هێناوە.

 

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل