fbpx
Shadow Shadow

هەواڵی ڕاستەوخۆ

پارتى مەرجى کردنە دەرەوەى حەشدى لە نەینەوا بۆ عەلاوى داناوە؟

22:21 یه‌ك شه‌ممه‌ 09 شوبات 2020
article image

ناس کورد-

 

پەرلەمانتارێکى پارتى ڕەتیدەکاتەوە حزبەکەى مەرجى کردنە دەرەوەى حەشدى شەعبى لەموسڵ بۆ عەلاوى دانابێت لەبەرانبەر دەنگدانیان بە کابینەکەی.

.

ئەمڕۆ (یه‌كشه‌ممه‌) حەنین قەدۆ پەڕلەمانتارى هاوپەیمانى فەتح ڕایگەیاند، پارتى بەسەرۆکایەتى مەسعود بارزانى بەمەرجى دەرکردنى حەشدى شەعبى لەناوچەى نەینەوا دەنگ بە محه‌مەد تۆفیق عەلاوى، دەدات.

.

عماد باجەلان، پەرلەمانتارى پارتى لە پەرلەمانى عێراق بەناس کوردى ڕاگەیاند “لێدوانەکانى حەنین قەدۆ کەسییە و گوزارشت لەڕاو بۆچونى فراکسیۆنەکەى ناکات، ئەو لێدوانەش هەڵەیە بۆ پەردەپۆشکردنى شکستى وەعد عەدۆى برایەتى کە ئامرلیواى حەشدى شەعبى بوو و لەکارەکەى دوورخرایەوە”.

.

وتیشى “ئەوە واى لە حەنین قەدۆ کردووە پەنجەى تۆمەت بۆ پارتى دیموکراتى کوردستان درێژ بکات و قسەکانیشى خۆڵکردنە چاوى خەڵکە”.

.

پەرلەمانتارەکەى پارتى باسى لەوەکرد، حزبەکەى پەیوەندیەکى هاوسەنگى لەگەڵ هاوپەیمانیەتى فەتح وحەشد و لایەنە سیاسیەکانى بەغدا هەیە و سەردان و یەکتربینینیش لەنێوان سەرکردەکانى فەتح و پارتیدا هەیە “بانگەشەکانى قەدۆ پەیوەندییان بەهاوپەیمانیتەکەیەوە نیە وقسەکانیشى تەنها بۆ ڕاکیشانى سەرنجە و هیچى تر”.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل