fbpx
Shadow Shadow

پارتى: سکاڵاى یاسایى لەسەر ڕوداوى تەقەکردن لە لقى چوار تۆمار دەکەین

11:47 هه‌ینی 20 ئه‌یلول 2019
article image

ناس کورد-

وتەبێژى پارتى لە سلێمانى و هەڵەبجە دەڵێت، دواى دەستپێیکردنەوەى دەوامى فەرمى سکاڵاى یاسایى لە دادگا  دژى هێرشبەرانى سەر بارەگاى لقى چوار تۆمار دەکەن، هۆکارى ئەو هێرشەش بۆ “لاوازى دەزگا ئەمنییەکان”ى ناوچەکە دەگەڕێنێتەوە.

,

عەتا شێخ حسێن، وتەبیژى ئەنجومەنى سەرکردایەتیى پارتى لە سلێمانى و هەڵەبجە، بە ناس کوردى ڕاگەیاند: “دەبێت لایەنى پەیوەندیدار لێکۆڵینەوەى یاسایى لە ڕوداوى تەقەکردن لە بارەگاى لقى چوارى پارتى بکات، ئەنجامەکەشى بۆ ڕاى گشتى ئاشکرا بکات”.

,

ئەو بەرپرسەى پارتى لە سلێمانى وتیشى، ئەو کەسانەى شەوى ڕابردوو، لە ئۆتۆمبیلێکەوە تەقەیان لە بارەگاى لقى چوارى پارتى لە سلێمانى کردووە، کەسانى نەناسراون و بەڵگەى وردیان لە بەردەستدا نییە لەسەر ئەنجامدەرانى، هۆکارەکەشى بۆ ئەوە گەڕاندەوە، ڕوداوەکە شەو بوە و زیانى گیانیشى  لینەکەوتوەتەوە.

,

“هەرچەندە تەقەکردن لە بارەگاکانى پارتى لە ناوچەکەدا نوێ نییە و لە ڕابردووشدا دووبارە بوەتەوە، ئەمنیەت و پاراستنى کادیر و بارەگاکانیشمان دەخەینە ئەستۆى هیزە ئەمنییەکان، چونکە ئەوان بەرپرسى یەکەمن لە دابینکردنى ئاسایش بۆ هەموو خەڵکى ناوچەکە، عەتا شێخ حەسەن واى وت.

,

لەبارەى هۆکارى ڕوداوەکەشەوە، وتى: “هیرش کردن و تەقەکردن لە بارەگاکانمان لە سنورەکە لە لاوازى هیزە ئەمنییەکانەوە سەرچاوە دەگرێت، گەر هیزە ئەمنییەکان مەبەستیان بێت کۆنترۆڵى شار بە جۆرێک دەکەن ئەو دەستانە دەدۆزرێنەوە کە مەترسیان بۆ سەر تیکدانى ئاشتى کۆمەڵایەتى و پەیوەندییە سیاسییەکانى نێوان یەکێتى و پارتى هەیە”.

,

بەرپرسەکەى پارتى ئەوەى خستەڕو: “پەیوەندییەکانى نیوان یەکێتى و پارتى ئەوەندە بەهیزە بەو کەسانەى لە تاریکیدا تەقە دەکەن تێکناچێت”.

,

بەدوریشى زانى ڕوداوى تەقەکردنەکەى شەوى ڕابردوو، پەیوەندى هەبێت بە ڕێگریکردن لە مەحمود سەنگاوى، ئەندامى مەکتەبى سیاسیی یەکێتى.

,

بۆ چارەسەرکردنى یاسایى ئەو ڕوداوەش، وتەبێژەکەى پارتى ئاشکرایکرد، دواى دەستپێیکردنەوەى دەوامى فەرمى سکاڵاى یاسایى لە دادگا دژى تۆمەتبارانى ڕوداوەکە تۆمار دەکەن.

,

,

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل