fbpx
Shadow Shadow

هەواڵی ڕاستەوخۆ

يەكەم حكومەت لە جيهاندا خرايە كەرەنتينەوە

20:07 سێ شه‌ممه‌ 17 ئادار 2020
article image

ناس کورد-

بەهۆى توشبوونى وەزيرێك بە ڤايرۆسى كۆرۆناى نوێ COVID-19 سەرجەم ئەندامانى حكومەتى پۆڵەندا خرانە كەرەنتينەوە بەوەش يەكەم حكومەتى جيهانە كە كەرەنتين بكرێت.

.

سەرچاوەكانى هەواڵى پۆڵەندا بڵاويانكردەوە، دواى ئەوەى مايكڵ ووس، وەزيرى ژينگەى پۆڵەندا ئەوەى ئاشكرا كردوە كە توشى ڤايرۆسى كۆرۆنا بووە، سەرجەم وەزيرەكانى حكومەت و ئەوانەشى كە پەيوەندى ڕاستەوخۆيان لەگەڵيدا هەبوە خراونەتە كەرەنتينەوە.

.

ئاماژە بەوەشکراوە، بەهۆى ئەوەى چاوى بە كەسێك كەوتوە كە توشبوى ڤايرۆسەكە بوە “ووس”يش ڤايرۆسەكەى بۆ گواستراوەتەوە، دواى  ئەوەى زانراوە پشكنينى بۆ كراوەو دەركەوتوە كە توشبوەو خراوەتە كەرەنتينەوە.

.

لاى خۆشيەوە حكومەتى ئەو وڵاتە بڵاويكردوەتەوە، پشكنينى ڤايرۆسەكە بۆ سەرجەم ئەندامانى حكومەت دەكرێت بۆ ئەوەى بزانرێت وەزيرى ژينگە ڤايرۆسەكەى بۆ كەسيان گواستوەتەوە ياخود نا.

.

لاى خۆيەوە ميكال دفورسزيك، بەڕێوەبەرى نوسينگەى سەرۆك وەزيرانى پۆلەەندا بڵاويكردوەتەوە، سەرجەم ئەندامانى حكومەت لە كۆتا كۆبوونەوەى ئەنجومەنى وەزيران ئامادەبوون كە وەزيرى ژينگەشى تێدابووە، بۆيە هەمووان لە كەرەنتيندا دەمێننەوە تا ئەو كاتەى ئەنجامى پشكنينەكان تەواو دەبن.

.

لەلايەكى ترەوە ئەندريە دودا، سەرۆك وەزيرانى پۆڵەندا بڵاويكردوەتەوە، كۆبونەوەكانى حكومەت ڕادەگيردرێن تا ئەو كاتەى ئەنجامى پشكنينەكان تەواو دەبن.

.

تائێستا لەسەرتاسەرى جيهاندا زياتر لە 188 هەزار كەس توشى ڤايرۆسى كۆرۆنا بون و خزيكەى 7 هەزار و 500 كەسيش گيانيان لەدەستداوە، هەروەها لە وڵاتى پۆڵەندا 221 توشبوو هەيەو 5 يان گيانيان لەدەستداوە.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل