fbpx
Shadow Shadow

وەزیرى پێشمەرگە: هەرێم پێویستى بەم هێزە فراوان و زۆر و زەبەندەى پێشمەرگە نییە

23:13 یه‌ك شه‌ممه‌ 12 كانونی دووه‌م 2020
article image

ناس کورد-

وەزیرى پێشمەرگەى حکومەتى هەرێمى کوردستان ڕایگەیاند، هێزەکانى پێشمەرگە ڕێکدەخرێنەوە، هەرێم پێویستى بەم هێزە فراوان و زۆر و زەبەندەى پێشمەرگە نییە.

.

شۆڕش ئیسماعیل وەزیرى پێشمەرگە ئەمڕۆ یەکشەممە 12ى کانونى دووەمى 2020 لەکۆبوونەوەى پەرلەمانى کوردستاندا ڕایگەیاند “دەبێت بە یاسا پێشمەرگە ڕێکبخرێتەوە، کوردستان پێویستى بەم هێزە فراوان و زۆر و زەبەندەى پێشمەرگە نییە”.

.

وتیشى “بڕیارێکى کابینەى پێشووى حکومەت هەیە کە پێویستى رێکخستنەوەى هێزەکانى دیاریکردووە، خۆ ڕێکخستنەوەى پێشمەرگە بەپێی پێویستى جوگرافیاى کوردستان دەبێت کە چەند پێشمەرگەى پێویستە رێکدەخرێتەوە و پاسەوانى لێجیادەکرێتەوە”.

.

شۆڕش ئیسماعیل باسى لەوەشکرد، ئێستا کوردستان بە 200 بۆ 300 هەزار پێشمەرگە پارێزراوە و دەیانەوێت بە ژمارەیەکى کەمتر لەوە ئەو ئەرکە بەجێبهێنرێت.

.

لەبارەى وەرگرتنى ئابونەى حزبى لەناو هێزەکانى پێشمەرگە، شۆڕش ئیسماعیل وتى “20 بۆ 30 ساڵە ئابونە لە پێشمەرگە وەردەگیرێت، هێزەکانمان ئاگادارکردووەتەوە کە ئەوەى ئابونەى حزبى وەربگرێت دەدرێتە دادگاى سەربازى، دەبێت ئەوە کۆتایی پێبێت، سزادانى سیاسیش قبوڵناکرێت”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل