fbpx
Shadow Shadow

وەزیرى نەوتى عێراق: ڕێککەوتنى سەرەتایی کراوە لەگەڵ هەرێم و نەوت ڕادەست دەکەن

16:25 دوو شه‌ممه‌ 25 تشرینی دووه‌م 2019
article image

ناس کورد-

وەزیرى نەوتى عێراق، ئاشکرایکرد، لە کۆبوونەوەیان لەگەڵ شاندى هەرێم گەیشتونەتە ڕێککەوتنێکى سەرەتایی و “کۆتاییەکى باشى دەبێت” و هەرێمیش بڕیارى داوە 250 هەزار بەرمیل نەوتى ڕۆژانە ڕادەست بکات.

,

ئێوارەی ئەمڕۆ پاش نزیکەی پێنج کاتژمێر لە کۆبوونەوەى نێوان شاندی حکومەتی هەریمی کوردستان و بەرپرسانى عێراق لە بەغداد، سامر غەزبان، وەزیری نەوتی عێراق ڕایگەیاند: “لەگەڵ شاندەکەی حکومەتی هەرێم لێکتێگەیشتنی زۆرباش هەبوە و ڕێککەوتنێکی سەرەتایی کراوە”.

,

غەزبان ئاماژەی بەوەشکردووە: “حکومەتی هەرێم ڕازی بوە کە ڕۆژانە 250 هەزار بەرمیل نەوت ڕادەستی کۆمپانیای سۆمۆ بکات، حکومەتی عێراقیش مانگانە بودجەی هەرێمی کوردستان دەنێرێت”.

,

وەیرى نەوتى عێراق کە هاوکات یاریدەدەرى سەرۆکوەزیرانى عێراقە بۆ کاروبارى وزە، ئەوەشى خستەڕو: “کۆمپانیای سۆمۆ ئاگادارکراوەتەوە کە ڕۆژانە 250 هەزار بەرمیل نەوت لە حکومەتی هەرێم وەردەگرێت، لە مانگى کانونى دووەمی ساڵی داهاتوەوە، کە ڕێککەوتنەکە دەچێتە بواری جێبەجێکردنەوە”.

,

لەئێستاشدا پاش ئەوە ڕێککەوتنە سەرەتاییەی شاندەکەی حکومەتی هەرێم و عێراق، دەبێت ڕێککەوتنەکە بچێتە لای سەرۆکوەزیرانى عێراق و پاش واژوو کردن، ڕێککەوتنەکە دەچێتە پەرلەمانى عێراق بۆ پەسەند کردنى، وەک وەزیرى نەوتى عێراق ئاشکرایکرد.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل