Shadow Shadow

وەزیرى نەوتى عێراق: هێڵێکی نوێی نەوت لە کەرکوکەوە بۆ تورکیا ڕادەکێشین

21:28 چوار شه‌ممه‌ 28 ئاب 2019
article image

ناس کورد-

وەزیری نەوتی عیراق ڕایدەگەیەنێت، وڵاتەکەی دەیەوێت هێڵێکی نوێی گواستنەوەی نەوت لە شاری کەرکوکەوە بۆ سنوری تورکیا ڕابکێشێت.

,

بەیانی ئەمڕۆ چوارشەممە 28ى ئابی 2019 فاتح دونماز، وەزیری دەرەوەی تورکیا سەردانی عیراقی کرد و لە بەغداد کۆبوونەوەی لەگەڵ سامر غەزبان، وەزیری نەوتی عیراق و ژمارەیەک بەرپرسی باڵای وڵاتەکە ئەنجامدا.

,

لە کۆنگرەیەکی رۆژنامەوانیدا سامر غەزبان وەزیری نەوتی عیراق کە لەگەڵ هاوتا تورکییەکەیدا ئەنجامیاندا، ڕایگەیاند: “لەکۆبوونەوەکەی ئەمڕۆدا گفتوگۆمان کردووە دەربارەی ئەو ڕێککەوتنەی کە رەجەب تەیب ئەردۆگان و عادل عەبدولمەهدی لە کۆبونەوەکەی 15ی ئایاری 2019 ئەنجامیان داوە، بەشێک لەو ڕێککەوتنانە جێبەجێ دەکەین و کاردەکەین بۆ واژووکردنی ڕێککەوتنێک لەنێوانماندا”.

,

وەزیرى نەوتى عێراق ئاماژەی بەوەشکرد: “لەگەڵ تورکیا لەسەر ئەوە ڕێککەوتوین کە هەماهەنگی و پەیوەندی ئابوری و بازرگانییەکانمان زیاتر بکەین، هەروەها کار بکەین بۆ فراوانکرنی گواستنەوە نەوت و گاز و کارەبا لەنێوان عیراق و تورکیادا”.

,

غەزبان ئەوەشى ئاشکرا کرد: “هێڵێکی نوێی نەوت لە کەرکوکەوە بۆ سنوری تورکیا ڕادەکێشین بۆ گواستنەوەی نەوت و ماددە خامەکان و ئەوەش پەیوەندییە ئابورییەکانمان زیاتر دەکات”.

,
لە دواین سەردانیدا بۆ تورکیا، سەرۆکوەزیرانى عێراق، باسى لەوە کرد دەیانەوێت پەیوەندییە ئابورییەکانیان لەگەڵ تورکیا بەهێز بکەن و بەڵێنى دا، بۆڕى نەوت لە کەرکوکەوە بۆ تورکیا ڕاکێشن.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل