fbpx
Shadow Shadow

"گەر پارە لە بەغدادەوە بێت مووچەى ئەو سێ مانگە لە ئەمساڵدا دابەش دەکەین"

وەزیرى دارایی هەرێم بۆ ناس کورد: مووچەى سێ مانگى کۆتایی ئەمساڵ پاشەکەوت ناکرێن

20:11 دوو شه‌ممه‌ 18 تشرینی دووه‌م 2019
article image

ناس کورد-

وەزیری دارایی هەرێم رەتیدەکاتەوە، مووچەی سێ مانگی کۆتایی ئەمساڵی فەرمانبەران پاشەکەوت بکرێت، ئاماژە بەوەشدەکات، مووچە لەکاتی خۆیدا دەدرێت.
,
ئاوات شێخ جەناب، وەزیری دارایی هەرێم لە لێدوانێکیدا بۆ ناس کورد ئاماژەى بەوەکرد: “بەهیچ شێوەیەک بەرنامەمان نییە بۆ پاشەکەوتکردنى مووچەى سێ مانگى کۆتایی ئەمساڵ، ئەگەر پارەش لە بەغدادەوە بێت ئەوا مووچەى ئەو سێ مانگەش لە ئەمساڵدا دابەش دەکەین”.

,
وەزیرى دارایی هەرێم ئاماژەی بەوەشکردووە، لەسەرەتای دەستبەکاربوونی وەک وەزیر مووچە دوانەکەوتوە و لەکاتی خۆیدا دابەشکراوە و بەو جۆرەش بەردەوام دەبێت و هیچ کێشەیەکى نییە.
,
ئەوەشى خستەڕو: “سۆران عومەر بەبێ بەڵگە و لەخۆیەوە ئەو هەواڵەى بڵاوکردووەتەوە و وتەکانى بنەمایان نییە، دەسەڵاتى پاشەکەوتکردنیش لاى ئەنجومەنى وەزیرانە نەک ئێمە پێشنیازێکى وامان کردبێت”.

,
ئەو وتانەى وەزیرى دارایی لەکاتێکدایە، ئەمڕۆ سۆران عومەر، پەرلەمانتارى هەرێم لە فەیسبوکى خۆیەوە رایگەیاند، وەزارەتی دارایی پێشنیاری کردووە مووچەی سێ مانگی کۆتایی ئەمساڵ پاشەکەوت بکرێت، کە مووچەى مانگەکانى 10، 11 و 12ى ساڵى 2019 دەکات.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل