fbpx
Shadow Shadow

"فەرمانبەرانی پلە یەک تا پلە شەش دەگرێتەوە"

وەزارەتی پەروەردە کاری شۆفێریی تاکسی لە مامۆستایان و فەرمانبەرانی قەدەغە دەکات

17:49 چوار شه‌ممه‌ 03 نیسان 2019
article image

ناس کورد-

وەزارەتی پەروەردەی هەرێمی كوردستان بڕیاری قەدەغەکردنی شۆفێریی کردنی تاکسی لە فەرمانبەران و مامۆستایانی قەدەغە دەکات.

لە نوسراوێكی وەزارەتی پەروەردەی هەرێمی كوردستاندا كە گشتاندنی بۆ هەموو بەڕێوەبەرایەتییە گشتییەكانی كردووە و وێنەیەكی دەست ناس كورد كەوتووە، تیایدا هۆشداری دەداتە مامۆستایان و فەرمانبەرانی كە دەبێت بۆ لەمەودوا كاری شۆفێریی تاكسی نەكەن، نوسراوەكە ئاماژەی بەوەشکردووە، بڕیارەكە فەرمانبەران و مامۆستایانی پلە یەك تا پلە شەش دەگرێتەوە.

سامان سیوەیلی وتەبێژی وەزارەتی پەروەردەی هەرێمی كوردستان تایبەت بە ناس كورد-ی راگەیاند: “ئەوە بڕیارێكی وەزارەتی ناوخۆی هەرێمی كوردستانە و وەزارەتی پەروەردە پێوەی پابەند دەبێت، چونکە مامەڵەی فەرمانبەرانی وەزارەتی پەروەردە بە هەمان شێوەی مامەڵەكردنی فەرمانبەرانی وەزارەتەكانی دیكەی هەرێم دەبێت”. 

وتەبێژی وەزارەتی پەروەردە ئاماژەی بەوەکرد، وردەكاری چۆنێتی جێبەجێكردنی بڕیارەكە شۆڕكراوەتەوە بۆ سەرجەم فەرمانگەکانی سەر بە وەزارەتەکەیان.

وەزارەتی ناوخۆی هەرێمی كوردستان لە 31ی كانوونی دووەمی 2019 بڕیاری قەدەغەكردنی شۆفێریی کردنی تاكسی لە فەرمانبەرانی وەزارەتەكەی ڕاگەیاند و دواتر وەک ڕێنمایی ئەو بڕیارەی ئاڕاستەی سەرجەم وەزارەتەکانی دیکە کرد.

 

وەزارەتی پەروەردە کاری شۆفێریی تاکسی لە مامۆستایان و فەرمانبەرانی قەدەغە دەکات

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل