Shadow Shadow

وەزارەتى پێشمەرگە بەرنامەى هەیە خزمەتى سەربازى زۆرە ملێ جێبەجێ بکات؟

21:25 شه‌ممه‌ 10 ئاب 2019
article image

ناس کورد- هەڤاڵ فەتاح

 

وەزارەتی پێشمەرگە ژمارەى هێزەکانى لە ئاستێکى زۆر باشدا دەبینێت و لەو روانگەیەوە رەتیدەکاتەوە هیچ پلانێکی هەبێت بۆ جێبەجێکردنی خزمەتی سەربازی زۆرە ملێ لە هەرێمی کوردستان و هێزى یەدەگیان ناوێ.

 

.

لیوا قارەمان کەمال، جێگری سەرۆک ئەرکانی ھێزەکانی پێشمەرگە بە ناس کوردی راگەیاند:”وەزارەتی پێشمەرگە هیچ پلانێکى نییە بۆ جێبەجێکردنی سیستمی سەربازی زۆرە ملێ لە هەرێمی  کوردستان”.

.

وتیشی، ژمارەی هێزەکانی پێشمەرگە لە ئێستادا زۆرە، پێویست بەوە ناکات لەڕێگەی سیستمی سەربازی زۆرەملێوە ئەوەندەی دیکە ژمارەی هێزە چەکدارەکانمان زیادبکەین.

.

جێگری سەرۆک ئەرکانی ھێزەکانی پێشمەرگە روونیکردەوە، وەزارەتی پێشمەرگە لە ئێستادا سەرقاڵی بەرنامەی چاکسازییە بۆ چۆنێتی ڕێکخستنەوەی هێزەکانی پێشمەرگە بە گوێرەی پێوەرە جیهانییەکان بە سەرپەرشتی هێزی هاوپەیمانی نێودەوڵەتی دژ بە داعش.

.

خزمەتی (سەربازی زۆرە ملێ) لەزۆرێک لە وڵاتانی جیهان کاری پێدەکرێت، عێراقیش لە سەرەتای  درووستبوونییەوە لەساڵی1921 تا ڕوخاندنی ڕژێمی بەعس لە ساڵی 2003، سیستمی زۆر بەسەربازکردن ( التجنید الالزامي) جێبەجێکردوە، بە گوێرەی ئەو سیستمەش، هەر گەنجێک تەمەنی بگاتە 18 ساڵ دەبێت بۆ ماوەیەکی دیاریکراو خزمەتی سەربازی لە نێو سوپای وڵاتەکەی  ئەنجامبدات کە پێیدەوترێت خزمەتکردنی ئاڵا.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل