fbpx
Shadow Shadow

وەزارەتى رۆشنبیرى لەبارەی وەرگرتنى پارە بەرامبەر بە سەیرکردنی کەناڵەکان ڕوونکردنەوە دەدات

11:35 سێ شه‌ممه‌ 09 ته‌موز 2019
article image

ناس کورد-

 

وتەبێژی وەزارەتی ڕۆشنبیری دەنگۆی وەرگرتنى پارە بەرامبەر بە تەماشاکردنى کەناڵەکانی تەلەفزیۆن ڕەتدەکاتەوە و بە کارێک بۆ گەرمكردن و بەبازاڕكردنی پەیجە وەھمی و سێبەرەكان، ناوى دەبات.

.

لە تۆڕە کۆمەڵایەتییەکان وێنەیەکی فەرهەنگ گۆمەشینی، وتەبێژی وەزارەتی ڕۆشنبیری بڵاوبوویەوە و لەبارەیەوە نووسرا بوو”حكومەت بە نیازە لەبەرامبەر سەیركردنی تەلەفزیۆن، پارە لە خەڵك وەربگرێت”.

 

.

فەرهەنگ گۆمەشینی، وتەبێژی وەزارەتی ڕۆشنبیری بە ناس کوردی ڕاگەیاند:”بەھیچ شێوەیەك لێدوانی وام نەداوە بۆ ھیچ كەناڵێكی ڕاگەیاندن و ھەركەسێك تۆماری دەنگی ئێمەی لابێت و ڕاستی و دروستی ئەم وتەیە پشتڕاست بكاتەوە من لێی بێ منەتم”.

.

وتیشی، وێنەكە و كۆنفڕانسە ڕۆژنامەوانیەكە بەروارەكەی دەگەڕێتەوە بۆ سێ ساڵ لەمەوبەر کە سەبارەت بە دوو کۆمپانیای پەخشکردنی کەناڵە ناوخۆییەکان ئاماژەی بەوەکردووە، بڕێک پارە وەردەگیرێت لە بەرامبەر سەیرکردنی ئەو کەناڵانەدا.

.

وتەبیژی وەزارەتی ڕۆشنبیری روونیکردەوە، تازەكردنەوە و گەرمكردنەوەی هەندێک ھەواڵ بۆ گەرمكردن و بەبازاڕكردنی پەیج و میدیا  سێبەرەكان، جگە لە لەدەستدانی ڕاستگۆیی، دەیانخەنە چوارچێوەی تۆمەت بەخشینەوە و ناڕاستی بەرامبەر بە پیشەی بێلایەنی كاری میدیایی.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل