fbpx
Shadow Shadow

هەواڵی ڕاستەوخۆ

وەزارەتى دارایى عێراق لەبارەى موچەوە دڵنیایی دەدات

16:41 دوو شه‌ممه‌ 03 شوبات 2020
article image

ناس کورد-

وەزارەتی دارایی عێراق دڵنیایی بە موچەخۆران دەدات کە موچە دواناکەوێت و لەکاتی خۆیدا دابەشدەکرێت.

.

ئەمڕۆ دووشەممە، 3ى شوباتى 2020، نوسینگەى ڕاگەیاندنى فوئاد حسێن، وەزیرى دارایى عێراق لە ڕاگەیەنراوێکدا ڕایگەیاند، “سکاڵایەکى زۆرمان لەبارەى دواکەوتنى موچەى فەرمانبەرانەوە بەتایبەتى وەزارەتەکانى پەروەردە و تەندروستى و پارێزگاى دیوانیەوە پێگەیشتووە، دڵنیاتان دەکەینەوە موچەى هەموو فەرمانبەرانى دەوڵەت بەشێوەیەکى تەواو گەرەنتى کراوە و هیچ کیشەیەکى تیدا نییە و دابەشکردنی دواناکەوێت”.

.

ئاماژەی بەوەشکردووە، وەزارەتى دارایى پارەى پێویستى بۆ سەرجەم دامەزراوە حکومییەکان بە وەزارەتەکانى پەروەردە و تەندروستى و پارێزگای دیوانیەشەوە دابینکردووە، بەشێوەیەکى بەردەوامیش چاودێرى پرسەکە دەکات و سوورە لەسەر ئەوەى موچە لەکاتى خۆیدا بگاتە دەستى فەرمانبەران.

.

ئەوە لەکاتێکدایە، دابەشکردنى موچەى ئەم مانگەى بەشێک لە فەرانبەرانى عێراق لەوادەى خۆى دواکەوتووە و حکومەت هیچ هۆکارێکى دواکەوتنەکەى ڕانەگەیاندووە.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل