fbpx
Shadow Shadow

"بە وردی چاودێری دۆخی عێراق و هەرێم دەکەین"

 وردەکاری سەردانەکەی وەزیری بەرگریی ئیتاڵیا بۆ هەرێمی کوردستان

00:00 چوار شه‌ممه‌ 22 كانونی دووه‌م 2020
article image

ناس کورد-

وەزیری بەرگریی ئیتاڵیا لەگەڵ وەزیری پێشمەرگە کۆبووەوە و ڕایگەیاند، بە وردی چاودێری دۆخی هەرێم و عێراق دەکەن و و نیگەرانن لە ناسەقامگیری دۆخەکە و  خۆشحاڵیشن بە پەیوەندیی بەهێزیان لەگەڵ هێزی پێشمەرگە.

.

ئێوارەی ئەمڕۆ سێشەممە، 21ی کانونی دووەمی 2020، لۆرێنزۆ گوێرینی، وەزیری بەرگریی ئیتاڵیا لەگەڵ شاندێکی وەزارەتی بەرگری وڵاتەکەی گەیشتنە هەولێری پایتەختی هەرێمی کوردستان و لەگەڵ مەسرور بارزانی، سەرۆکی حکومەتی هەرێم بەجیا و دواتر لەگەڵ شۆڕش ئیسماعیل وەزیری پێشمەرگە و ژمارەیەک بەرپرسی دیکەی وەزارتەکە کۆبوونەوە.

.

بەگوێرەی ڕاگەیەندراوێکی وەزارەتی پێشمەرگە، لۆرێنزۆ گوێرینی، وەزیری بەرگریی ئیتاڵیا، ڕایگەیاندووە: “خۆشحاڵین بە پەیوەندی و هەماهەنگی بەهێزمان لەگەڵ هەرێمی کوردستان و هێزی پێشمەرگە و بە وردی چاودێری دۆخی ئێستای عێراق دەکەین، لە ڕەوشی ناسەقامگیری عێراق نیگەرانین و نامانەوێت لەو کاتانەدا تیرۆریستان هیچ دەرفەتێک بقۆزنەوە”.

 وردەکاری سەردانەکەی وەزیری بەرگریی ئیتاڵیا بۆ هەرێمی کوردستان

.

وەزیری بەرگریی ئیتاڵیا هاوکاری و هەماهەنگی وڵاتەکەی لەگەڵ هەرێم و عێراق بۆ ڕوبەڕوبوونەوەی تیرۆر دوپاتکردووەتەوە و ئاماژەی بەوەشکردووە: “بۆ ڕوبەڕوبوونەوەی تیرۆر هێشتا کاری زۆرمان ماوە بەیەکەوە ئەنجامی بدەین”.

.

هەر بەگوێرەی ڕاگەیەندراوەکە شۆڕش ئیسماعیل، وەزیری پێشمەرگەی هەرێم لە کۆبونەوەکەدا ڕایگەیاند: “هاتنی ئەو شاندەی وەزارەتی بەرگریی ئیتاڵیا لەم کاتەدا، دەرخەری ئەو ڕاسستیەیە کە وەک دۆست و هاوکاری بەردەواممان دەمێننەوە لە ڕووبەڕووبونەوەی تیرۆر و پاراستنی ئاسایش و سەقامگیری لە ناوچەکەدا”.

.

 

ئاماژەی بەوەشکرد: “هاوکاری و هەماهەنگی راوێژکاران و ئەفسەرانی ئیتالیا لە هەرێم جێگەی بایەخ و پێزانینی ئێمەیە، ئومێدیش دەکەین پەیوەندی و هەماهەنگی نێوان هەرێمی کوردستان و ئیتاڵیا زیاتر بەرەوپێشەوە بچێت”.

.

ئەمە دووەمین سەردانی وەزیری بەرگریی ئیتاڵیایە بۆ هەرێمی کوردستان لەماوەی 45 ڕۆژی ڕابردوودا.

.

ئیتاڵیا لەساڵی 2015ەوە بەشێوەیەکی فەرمی هێزەکانی خۆی هێناوەتە هەرێمی کوردستان بۆ بەشداریکردن لە ڕیزەکانی هاوپەیمانی نێودەوڵەتی و ئەو وڵاتە زیاتر لە 800 ڕاوێژکار و ئەفسەری ڕاهێنانی لە هەرێمی کوردستان هەیە.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل