Shadow Shadow

"بە بەڵگەوە ڕایگشتی یەكیتی لە فەرامۆشكردن و ناعەدالەتی بەرامبەر بادینان ئاشنادەكەم"

وتەبێژی ئەنجومەنی ناوەندی یەکێتی هۆشداری بە حزبەکەی دەدات

08:58 یه‌ك شه‌ممه‌ 21 ته‌موز 2019
article image

ناس کورد-

وتەبێژی ئەنجومەنی ناوەندی یەکێتی ڕەخنە لە شێوازی دابەشکردنی بەشە پشکەکانی حزبەکەی بۆ کابینەی نوێ دەگریت و دەڵێت: “بەبەڵگەو داتاوە ڕایگشتی یەكیتی لەو فەرامۆشكردن وناعەدالەتیە ئاشنادەكەم.”

.

لەتیف نێروەیی، وتەبێژی ئەنجومەنی ناوەندی یەکێتی لە ڕوونکردنەوەیەکدا ڕایگەیاندووە، بەداخەوە بەشێك لە هەڤالانی مەكتەبی سیاسی یەكیتی بەچاوێكی جیاوازو زۆر بچوكەوە مامەڵە لەگەل پشك ومافی كادیرانی بادینان دەكەن.

.

ئەو بەرپرسەی یەکێتی نیشتیمانی کە خۆی خەڵکی دەڤەری بادینانە ئاماژەی بەوەکردووە، فەرامۆشكردن و ناعەدالەتیەكە بەرامبەر بەبادینان گەیشتووەتە ئاستێك كە نەك هاوسەنگی دەڤەری و شەراكەتی راستەقینەی دەڤەرەكە رەچاوناكرێت، بەڵکو لەهەندێ ئۆرگانی حزبی و دامەزراوە حكومییەكان ڕێژەی بەشداری هەڤاڵانی بادینان 0٪ە.

.

وتەبێژی ئەنجومەنی ناوەندی یەکێتی نوسیویەتی: “وەكو كادیرێكی ئەو دەڤەرە ناتوانم لەمە زیاتر ناخو ویژدانی خۆم ئەشكەنجە بدەم و بێ دەنگی هەڵبژێرم و لە ڕۆژانی داهاتوودا بەبەڵگەو داتاوە ڕایگشتی یەكیتی لەو فەرامۆشكردن وناعەدالەتیە ئاشنادەكەم.”

.

هەروەها جەختیشیکردووەتەوە، پیویستە ئەو راستیەش لەبیرنەکرێت كە بادینان واتە دهوك، نەینەوا و شەنگال،  چەندە گەورەو گرنگ وستراتیجیە، ئەوا كادیرانی ئەو دەڤەرەش ئەوەندە گەورەو خاوەن ئیرادەو پشوو درێژو خۆڕاگرن و شایستەی پشك ومافی خۆیانن.”

.

ئەمە لەکاتێکدایە، لەدوای دیاریکردنی کاندیدەکانی یەکێتی بۆ پۆستەکانی ئەو حزبە لە کابینەی نوێی حکومەتدا، ناڕەزایەتیی مەڵبەندەکانی یەکێتی لە چەند ناوچەیەک سەبارەت بە پەراوێزخستنیان لە پۆستەکاندا درووستبووە، لەوانەش مەڵبەندی بادینان و گەرمیان و چەمچەماڵ.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل