fbpx
Shadow Shadow

"لە ڕێککەوتنەکەى هەڵەبجە پاشگەز نەبووینەتەوە"

وتەبێژى یەکێتى: لە هەولێر و دهۆک ڕێکنەکەوین لە هەڵەبجەش ڕێکناکەوین

14:19 شه‌ممه‌ 28 ئه‌یلول 2019
article image

ناس کورد –

 

وتەبێژى یەکێتى ڕایگەیاند، لە ڕێککەوتنى تایبەت بە پێکهێنانى ئەنجومەنى پارێزگاى هەڵەبجە پاشگەز نەبوونەتەوە، بەڵام ڕێککەوتنەکانیان بۆ هەموو پارێزگاکانە، نەک پارێزگایەک بە تەنها.

.

لەتیف شێخ عومەر، لەدواى کۆبوونەوەى حزبەکەى لەگەڵ کۆمەڵى ئیسلامى، لە کۆنفرانسێکى ڕۆژنامەنوسیدا و لە وەڵامى پرسیارێکدا لەبارەى “پاشەگەزبوونەوەیان” لە ڕێککەوتنى تایبەت بە پێکهێنانى ئەنجومەنى پارێزگاى هەڵەبجە وتى “ئەوە پاشگەزبوونەوە نییە”.

.

رونیشیکردەوە “رێککەوتنى ئێمە لە هەرێمى کوردستان لەسەر ئاستى پارێزگاکان یەک پارچەیە و لەیەکتر جیاناکرێتەوە، ئەگەر لە هەولێر و دهۆک لەسەر ئەنجومەنى پارێزگاکان ڕێکنەکەوین، لە هەڵەبجەش ڕێکناکەوین، بە پێچەوانەشەوە”.

.

لەبارەى جێبەجێنەکردنى ڕێککەوتنەکەیان لەگەڵ پارتى، وتەبێژى یەکێتى ڕایگەیاند “پرسی پەیوەست بە لادان یان جێبەجێنەکردنى ڕێککەوتنەکە لەکۆبوونەوە دووقۆڵیەکانمان لەگەڵ پارتى تاوتوێ دەکەین”.

وتەبێژى یەکێتى: لە هەولێر و دهۆک ڕێکنەکەوین لە هەڵەبجەش ڕێکناکەوین

هەروەها لەبارەى کۆبوونەوەکەیان لەگەڵ کۆمەڵ، له‌تیف شێخ عومه‌ر وتى “یه‌کێتی له‌گه‌ڵ یه‌کڕیزی نیشتمانییه‌ و له‌گه‌ڵ براده‌رانی کۆمه‌ڵ له‌ زۆر بواردا هاوڕابووین و خاڵی هاوبه‌شمان زۆره‌”.

.

لاى خۆیەوە، ڕێبوار حه‌مه‌د، وته‌بێژی کۆمه‌ڵی ئیسلامی ڕاگه‌یاند “له ‌کۆبوونه‌وه‌کەمان له‌گه‌ڵ یه‌کێتی پرسی که‌رکوک و ناوچه‌ کوردستانییه‌کانی ده‌ره‌وه‌ی هه‌رێمی کوردستانمان تاوتوێکرد و هەردولامان پێمانوابوو، یه‌کڕیزی له‌و ناوچانه‌ له‌ به‌رژه‌وه‌ندی کورده ‌و ده‌بێت هه‌مووان له‌گه‌ڵی بین”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل