fbpx
Shadow Shadow

هەڵمەتی بایکۆتکردنی کاڵای تورکی لە تۆڕە کۆمەڵایەتییەکان دەستیپێکرد

19:31 یه‌ك شه‌ممه‌ 13 تشرینی یه‌كه‌م 2019
article image

ناس کورد-

 

بەهۆى بەردەوامبوونی لەشکرکێشییەکانی تورکیا بۆ سەر ڕۆژئاوای کوردستان، بەشێک لە هاووڵاتیانی هەرێم لە تۆڕە کۆمەڵایەتییەکان، هەڵمەتێکیان بۆ بایکۆتکردن و بەکارنەهێنانی کاڵای تورکی ڕاگەیاندووە و داوا دەکەن چیتر هاووڵاتیان کاڵای تورکی بەکارنەهێنن.

.

بەشێک لە هاووڵاتیانى کوردستان لە هەژمارەکانی خۆیان ئاماژە بەوە دەکەن، ناکرێت وڵاتێکی وەک تورکیا لەشکرکێشی بۆ سەر ڕۆژئاوای کوردستان بکات و هاووڵاتیانی کورد بکوژێت و خەڵکیش کاڵای تورکی بەکاربهێنن و پێویستە سەرجەم کاڵا تورکییەکان بایکۆت بکرێن.

.

هاوکات جگە لەوەی هاووڵاتیان لە هەژمارە تایبەتەکانی خۆیانەوە ئەو داوایە دەکەن، ئێستا پەڕەیەکی تایبەت لە فەیسبوک بەناوی “بایکۆتی کاڵای تورکی” دروستکراوە و لەو ڕێگەیەوە هەوڵدەدرێت کە هاووڵاتیان ئاگادار بکەنەوە لە ناسینی کاڵای تورکی و چیتر بەکارنەهێنانی ئەو کاڵایانە.

.

ئەو پەڕەیە لە پۆستێکدا بۆ ناسینەوەی کاڵای تورکی ئاماژەی بەوەکردووە، هەموو جۆرە كاڵایەك باركۆدێكى هەیە و هەر وڵاتێک كۆدى تایبەت بە خۆى هەیە بە پێى پۆڵێن بەندى جیهانى، ئەگەرچى هەندێک جار فڕوفێڵی بازرگانی تێدا دەکرێت، بەڵام زۆرینەى كاڵاى توركى لە حاڵەتى ئاسایدا بەو سێ ژمارەیە دەستپێدەکات، 868 یان 869، یاخود لەسەر بەرهەمەکان نوسراوە “Made in Turkey” و نووسینی سەر بەرهەمەکانیش تورکین.

.

هاوکات ئەو پەڕەیە ئەوەی خستووەتەڕوو، مەبەستێكى ترى ئەو گروپە، ناساندنى كاڵا توركییەكانە لە لایەن ئەندامانەوە و ناساندنیەتى بە یەكتر بە تایبەت ئەو بەرهەمانەى كە ڕۆژانە دەكڕدرێن و بەكارهێنانیان زۆرە واتە كاریگەرن.

هەڵمەتی بایکۆتکردنی کاڵای تورکی لە تۆڕە کۆمەڵایەتییەکان دەستیپێکرد

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل