Shadow Shadow

"چوار سەربازی تورکیا کوژراون"

هەپەگە دیمەنی بۆسەیەکی دژ بە سوپای تورکیا لەناوچەی بارزان بڵاوکردەوە

11:22 شه‌ممه‌ 08 حوزه‌یران 2019
article image

ناس کورد-

ناوەندی ڕاگەیاندنی هێزەکانی پاراستنی گەل “هەپەگە” دیمەنی چالاكییه‌كی گه‌ریلاكانی بڵاوكرده‌وه‌ كه‌ له‌ ناوچه‌ی بارزان-ی باشووری كوردستان دژی هێزەکانی سوپای‌  توركیا ئه‌نجامیان داوه‌ و تیایدا چوار سەرباز کوژراون.

.

بەپێی گرتەیەکی ڤیدیۆیی کە ناوه‌ندی ڕاگه‌یاندنی هێزه‌كانی پاراستنی گه‌ل بڵاویکردووەتەوە و ڕایگەیاندووە، هێزه‌كانیان سه‌ربازانی سوپای تورکیایان لە  گردی خوه‌دێی ده‌ڤه‌ری بارزان-ی باشووی كوردستان خستووه‌ته‌ ژێر چاودێری و  ڕۆژی 14ی ئایار پاش ماوه‌یه‌كی زۆر چاودێریكردنیان، كاتژمێر 8:40 خولەکی سەرلەبەیانی چالاکییەکیان لە دژیان ئەنجامداوە

.

بەپێی گرتە ڤیدیۆییەکە گه‌ریلاكان له‌ دوو لاوە هه‌ڵیانكوتاوەتە سه‌ر سەربازەکانی سوپای تورکیا و له‌نزیكه‌وه‌ لێیان داون، له‌و “چالاكییه‌دا چوار سه‌رباز كوژران و سه‌ربازێكیش بریندار بووە.”

هاوکات هەر ئەمڕۆ هەپەگە لە ڕاگەیەندراوێکدا ڕایگەیاندووە، ڕۆژی 2ی حوزەیران له‌میانی رووبه‌ڕووبوونه‌وه‌یان له‌گه‌ڵ یه‌كه‌ سه‌ربازییه‌كانی سوپای توركیا له‌ ناوچه‌كانی ئاڤاشین و خواكوڕك، پێنج گه‌ریلا کوژراون.

.

لە ڕاگەیەندراوەکەدا هه‌په‌گه‌ ناسنامه‌ی پێنج گه‌ریلاكه‌ی ئاشكراكردووە، یه‌كێكیان كچە.

.

ناوەندی ڕاگەیاندنی هەپەگە ئاماژەی بەوەشکردووە، لە ڕوبەڕوبوونەوەکەدا، ئەو پێنج گەریلایە “گورزی کوشندەیان لە سوپای تورکیا داوە”، بەڵام بەهۆی بۆردومانی فڕۆکە جەنگییەکانەوە کوژراون.

هەپەگە دیمەنی بۆسەیەکی دژ بە سوپای تورکیا لەناوچەی بارزان بڵاوکردەوە

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل