fbpx
Shadow Shadow

هەولێر و بەغدا رێوشوێن لە فڕۆكەخانە و خاڵە سنوریەكان دژی ڤایرۆسی كۆرۆنا دەگرنەبەر

22:07 شه‌ممه‌ 25 كانونی دووه‌م 2020
article image

ناس کورد-

 

بۆ ڕێگەگرتن لە مەترسییەکانی ڤایرۆسی کۆرۆنا پەرلەمانی عیراق ڕێنمایی بە سەرجەم خاڵە سنوریەكان و فڕۆكەخانەكان دا رێوشوێنی پاراستن دژی ڤایرۆسی كۆرۆنا بگرنەبەر و فڕۆكەخانەی هەولێریش دوو ئامێری پشكنینی ئەو ڤایرۆسەی داناوە، بەڵام بەپێی زانیاریەكان تائێستا فڕۆكەخانەی سلێمانی هیچ ئامێرێكی پشكنینی بۆ نەهاتووە.

،

جەواد موسەوی، ئەندامی لیژنەی تەندروستی پەرلەمانی عیراق لە ڕاگەیەندراوێکدا بڵاویکردەوە: “بە ڕێكکەوتن لەگەڵ وەزارەتی تەندروستی و ژینگەی عیراق ڕێنمایی بە سەرجەم خاڵە سنوریەكان و فڕۆكەخانەكان دراوە رێوشوێنی پێویست دژی ڤایرۆسی کۆرۆنا بگرنە بەرو پشكنین ئەنجام بدەن بۆ سەرجەم ئەو كەسانەی لە چینەوە دێنە عیراق، جا هاوڵاتی چینی بن یاخود عێراقی”.

،

بەپێی زانیاریەكانی ناس كورد فڕۆكەخانەی نێودەوڵەتی هەولێریش دوو ئامێری داناوە كە پلەی گەرمی بەرزی گەشتیاران دیاری دەكات و هەر گەشتیارێك گومانی لێكرا دەبرێت بۆ پشكنینی گشتی و ئەگەر کەسەکە هەڵگری ڤایرۆسەکە بوو، ئەوا ڕەوانەی وڵاتی خۆیان دەكرێنەوە.

،

هەر سەبارەت بەو بابەتە ناس كورد پەیوەندیكرد بە وتەبێژی فڕۆكەخانەی نێودەوڵەتی سلێمانیەوە ناوبراو وتی، لەئێستادا زانیاری لەسەر ئەو بابەت نییە، تەلەفۆنی بەڕێوەبەری فڕۆكەخانەش بەردەست نەبوو، بەڵام ناس كورد لە سەرچاوەیەکی ئاگاداراوە لە ناو فڕۆکەخانەی سلێمانییەوە زانیویەتی، تائێستا فڕۆكەخانەكە هیچ ئامێرێكی پشكنینی لێ دانەنراوە.

،

نەخۆشی ڤایرۆسی کۆرۆنا لە کۆتایی مانگی کانونی یەکەمی ساڵی ڕابردوودا لە شاری” ووهان” لە چین سەریهەڵدا و دواتر چەند ولاتێکی دیکە بڵاوبووەوە لەوانە ویلایەتەیەکگرتوەکانی ئەمەریکا.

،

بەگوێرەی دوایین ئامارەکان، لە وڵاتی چین تاوەکو ئێستا زیاتر لە هەزار و 200 کەس تووشی ڤایرۆسەکە بوون و بەهۆیەوە 41 کەس گیانیان لەدەستداوە.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل