Shadow Shadow

هەولێر: بڕوانامەی دكتۆرای فەخری دەبەخشرێتە كۆچەر بیركار

09:04 چوار شه‌ممه‌ 27 ئادار 2019
article image

ناس كورد-

لەشاری هەولێر و لەلایەن زانكۆی سەڵاحەدین بڕوانامەی دكتۆرای فەخری دەبەخشرێتە زانای كورد د.كۆچەر بیركار هەڵگری مەدالیای فیڵدزی جیهانی لەبواری ماتماتیك.

لەراگەیەندراوێكی زانكۆی سەڵاحەدین كە وێنەیەكی دەست (ناس كورد) كەوتووە، ئاماژە بەوە كراوە ئەمڕۆ (چوارشەممە) لەرێوڕەسمێكدا بڕوانامەی دكتۆرای فەخری ببەخشرێت بە د.كۆچەر بیركار هەڵگری مەدالیای فیڵدزی جیهانی لەبواری ماتماتیك.

بەپێی راگەیەندراوەكەی زانكۆی سەڵاحەدین، رێوڕەسمی رێزلێنان و بەخشینی بڕوانامەكە لە هۆڵی سەعد عەبدوڵا، بەرێوە دەچێت.

كۆچەر بیركار كە لە ناسنامە ئێرانییەكەیدا ناوی فەرەیدوون درەخشانییە، لە ساڵی 1978 لە خێزانێكی جووتیار لە گوندی نێی مەریوانی رۆژهەڵاتی كوردستان لەدایك بووە، لە زانكۆی تاران بۆ بڕوانامەی بەكالۆریۆس خوێندوویەتی ، لە دوایین ساڵی خوێندن لەو زانكۆیە رووی لە بەریتانیا كردووە و لەوێ داوای مافی پەنابەرێتی سیاسی كردووە. ئێستا مامۆستای زانكۆی كامبریجەو ساڵی‌ پار خەڵاتی جیهانی فیلدزی بیركاری پێبەخشرا.

مەدالیای فیڵدس گرنگترین و بەناوبانگترین خەڵاتی نێودەوڵەتی بواری ماتماتیكە. بۆ یەكەم جار لەساڵی 1936 ئەو خەڵاتە بەخشرا، لەساڵی 1950شەوە هەر چوار ساڵ جارێك بە چوار بیركاریزان دەبەخشرێت كە تەمەنیان لەخوار 40 ساڵیەوەیە. سەرەڕای مەدالیاكە كە لە ئاڵتوون دروستكراوە، هەر یەك لە چوار براوەكە بڕی 15 هەزار دۆلاری كەنەدیش وەردەگرن.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل