fbpx
Shadow Shadow

هەواڵى فڕێدانى ژنێکى بەساڵاچوو لە گەڕەکى نەورۆزى شارى هەولێر رەتدەکرێتەوە و  روونکردنەوە دەدرێت

16:30 یه‌ك شه‌ممه‌ 21 ته‌موز 2019
article image

ناس کورد-

لە روونکردنەوەیەکدا بەڕێوەبەرایەتى  گشتی چاودێری و گەشەپێدانی کۆمەڵایەتی هەولێر، هەواڵى فڕێدانى ژنێکى بەساڵاچوو لە گەڕەکى نەورۆز لە شارى هەولێر رەتدەکاتەوە و ئاماژە بەوە دەکات “ژنەکە گواستراوەتەوە بۆ نەخۆشخانە”.

.

لە روونکردنەوەکەى بەڕێوەبەرایەتى  گشتی چاودێری و گەشەپێدانی کۆمەڵایەتی هەولێر، ئاماژە بەوە کراوە، دوای بڵاوبوونەوەی دەنگۆی فڕێدانی ئافرەتێکی بەساڵاچوو بەچەند دەقەیەک تیمی تایبەتی خانەی بەساڵاچوان بە پزیشکەوە لە شوێنەکە ئامادەبوون و گواستیانەوە نەخۆشخانە.

.

بەگوێرەى روونکردنەوەکە،  ئەو ئافرەتە بەساڵاچووە بەهیچ شێوەیەک فڕێنەدراوە بەڵکو ڕێگەی ماڵەوەی لێ تێکچوو بوو و کەسوکارەکەی بردیانەوە ماڵەوە.

.

ئەوەش روونکراوەتەوە،  کەسو کاری ئافرەتەکە وێڕای نیگەرانی خۆیان لە راگەیاندن، سوپاسی ستافی خانەی بەساڵاچووانیان لە هەولێر کرد.

.

روونکردنەوەکە لە کاتێکدایە، ئەمڕۆ (یەکشەممە) لە تۆڕە کۆمەڵایەتییەکان و چەند کەناڵێک دەنگۆی فڕێدانی ژنێکی بەساڵاچوو بڵاوکرایەوە لە گەڕەکی نەورۆزی شاری هەولێر.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل