fbpx
Shadow Shadow

"بەگۆڕینی سەرۆک وەزیران هیچ شتێک ناگۆڕێت"

هەرێم لەسەر ڕێککەوتنەکەى لەگەڵ بەغدا دڵنیایی دەدات

18:02 سێ شه‌ممه‌ 10 کانونی یەکەم 2019
article image

ناس کورد –

 

وەزیرێکی حکومەتی هەرێم دڵنیایی دەدات لەوەی پشکی هەرێمی کوردستان لە پڕۆژە یاسای بودجەی عێراق نافەوتێت، چونکە ئەوان رێککەوتنیان لەگەڵ حکومەت کردووە نەک تاکەکەسێک.

.

ئەمڕۆ سێشەممە، 10ی کانونى یەکەمى 2019، خالید شوانی وەزیری هەرێم بۆ کاروباری پەیوەندییەکانی نێوان هەرێم و عێراق سەردانی پەرلەمانی کوردستانی کرد و دواین زانیارییەکانی دەربارەی ئەنجامى کۆبونەوەکانی نێوان شاندى هەرێم و عێراق بۆ پەرلەمان باسکرد.

..

خالید شوانی لە کۆنگرەیەکی ڕۆژنامەوانیدا ڕایگەیاند “ئێمە ڕێککەوتنمان لەگەڵ حکومەتی عێراق کردوە نەوەک لەگەڵ شەخس و کەسی تایبەتدا و ڕێککەوتنەکەمان لەگەڵ وەزارەتی دارایی بووە و ئەوان ڕێککەوتنەکەیان پەسەند کردووە”.

.

وتیشى “ئێمە ئێستا چاوەڕێین حکومەتی عێراق کۆتا خاڵەکانی پڕۆژەى بودجە تەواو بکات و بینێرێتە پەرلەمان، سەرۆک وەزیران و حکومەتی کاربەرێکەر بۆیان هەیە پڕۆژەکە بنێرنە پەرلەمان بەپێی پەیڕەوی ناوخۆی ئەنجومەنی وەزیرانیش ئەوە کارێکی یاساییە و لەتوانایاندایە ئەنجامی بدەن”.

.

خالید شوانی باسی لەوەکرد، پڕۆژە یاسای بودجە پەیوەستە بە ژیانی هاوڵاتییان و کاروباری سەرجەم دەزگاکانی حکومەتەوە و بەهیچ شێوەیەک دەستلەکارکێشانەوەی حکومەت یان سەرۆکی حکومەت نابێتە هۆی ئەوەی کە نەچێتە پەرلەمان و پەسەند نەکرێت، “پێشتریش لەساڵی 2010 کە حکومەتەکەی نوری مالیکی کاربەڕێکەر بوو بودجەی ساڵی 2011ی ناردە پەرلەمان و هیچ کێشەیەکی یاسایشی نەبوو، بۆیە هیوادارین هێزە عێراقییەکانیش بەو لێکتێگەیشتنە یاساییە مامەڵە بکەن”.

.

لەبارەى هەڵوێستى بەشێک لەلایەنە عێراقییەکانەوە لەبارەى ڕێککەوتنەکەى هەرێم و بەغدا، خالید شوانى ئەوەى خستەڕوو کە ئەگەر لایەنە عێراقییەکان بە هەر شێوەیەک مامەڵە بکەن ئەوان کێشەیان نییە “چونکە ڕێککەوتنەکەمان لەگەڵ حکومەت کردووە و هەر حکومەتێکیش ببێتە جێگرەوەی ئەم حکومەتە دەبێت ڕێککەوتنەکە جێبەجێبکات، چونکە ڕێککەوتنێکی هاوسەنگە، هەروەها بەهیچ شێوەیەک چاوەڕێ ناکەین ڕێککەوتنەکە بگاتەوە خاڵی سفر”.

.

ئەم وتانەی خالید شوانی لەکاتێکدایە، پێشتر ژمارەیەک بەرپرسی هەرێم و  عێراق باسیان لەوە کردبوو، ئەگەر هەیە بەهۆی دەستلەکارکێشانەوەی عادل عەبدولمەهدییەوە ڕێککەوتنەکەی نێوان هەرێم و عێراق شکستبهێنێت، چونکە حکومەتی کاربەڕێکەر ناتوانێت پڕۆژە یاسا بنێرێتە پەرلەمان.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل