fbpx
Shadow Shadow

هەرێم؛ خانەنشینی كرێكارانی كەرتی تایبەت دەكرێت بەمەرج بەسەر كۆمپانیاكانەوە

21:39 شه‌ممه‌ 25 كانونی دووه‌م 2020
article image

ناس کورد-

بەگوێرەی بڕیارێکی وەزارەتی کارو کاروباری کۆمەڵایەتی خانەنشینی كرێكارانی كەرتی تایبەت دەكرێت بەمەرج بەسەر كۆمپانیاكانەوە تاوەکو وەک فەرمانبەرانی حكومەت ئەوانیش خانەنشین بكرێن و وتەبێژی وەزارەتەکەش دەڵێت، پێویسە ئەو کەسەی دەیەوێت خانەنشین بێت 25 ساڵ خزمەتی لە کەرتی تایبەتدا هەبێت و %80ی  کۆتا موچەی وەک خانەنشینی پێدەدرێت.

،

ئاریان ئەحمەد، وتەبێژی وەزارەتی كارو كاروباری كۆمەڵایەتی بە ناس كوردی ڕاگەیاند: “لە ڕابردوودا هەندێك كرێكار هەبوون دەستبەری كۆمەڵایەتی نەكراون، دوای ئەوەی گەڕانمان بۆ كۆمپانیاكان كرد بڕیارێك دەرچوو بۆ ئەوەی هەموو كۆمپانیاكان كرێكارەكانیان دەستەبەر بكەن، تا ئەوانیش وەك كەرتی حكومی خانەنشینیەك هەیە بۆ كرێكاری كەرتی تایبەت بیانگرێتەوە”.

،

وتیشی: “شێواز و مەرجی خانەنشینییەکە ئەوەیە دەبێت 25 ساڵ لەكەرتی تایبەت خزمەتی هەبێت، خانەنشینییەکەشی بەپێی كۆتا موچەی كە وەریدەگرێت  %80ی ئەو موچەیە دەبێت و هەموو مافێكی خانەنشینێكی حكومیان دەبێت”.

،

وتەبێژی وەزارەتی کارو کاروباری کۆمەڵایەتی ئاماژەی بەوەکرد: “بڕیارەكە كراوە بەمەرج بۆ هەموو كۆمپانیاكان و مۆڵەتمان بۆ زۆر شوێن تازە نەكردووەتەوە تا كارمەندەكانی دەستەبەر دەكات، ئەگەر كارمەندێك گلەیی و  رەخنەی هەبێت دەتوانێت بیگەیەنێتە وەزارەتی كارو كاروباری كۆمەڵایەتی، تەنانەت ئەگەر شكات لە كۆمپانیاكەشی بكات ئەوا ئێمە پارێزەری بۆ دەگرین”.

،

ئاریان ئەحمەد ئەوەشی بۆ “ناس كورد” ئاشكراكرد: “ئەگەر كرێكارێكیش 25 ساڵە خزمەتەكەی بەسەر چەند كۆمپانیایەكدا دابەش بووبێت، كێشەی بۆ دروست نابێت، گرنگ ئەوەیە ئەو پارەی دەستەبەری كۆمەڵایەتی خۆی دەدات، بەڵام ئەگەر 25 ساڵەكەشی تەواو نەكرد و كاری دیکەی كرد وەك دانانی پرۆژەیەكی تایبەت، ئەوا ئەو پارەیەی تا ئەو كاتە داویەتی دەتوانێت وەریبگرێتەوە”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل