fbpx
Shadow Shadow

هێمن هەورامی: بەپێی ڕێکەوتنەکان هەواڵی خۆش دەبیستن

15:24 شه‌ممه‌ 06 نیسان 2019
article image

ناس کورد-

 

پاش کۆبوونەوەیان لەگەڵ بزوتنەوەی گۆڕان، ئەندامێکی شاندی پارتی دیموکراتی کوردستان ڕایدەگەیەنێت، “بەپێی ڕێكەوتنەکان هەواڵی خۆش دەبیستن”.

 

کۆبوونەوەی هەردوو شاندی پارتی و گۆڕان لە مەکۆی سەرەکی بزووتنەوەی گۆڕان لە شاری سلێمانی کۆتایی هات و لە دوای کۆبوونەوەکە هێمن هەورامی ئەندامی شاندی دانوستانکاری پارتی لە کۆنگرەیەکی ڕۆژنامەوانیدا ڕایگەیاند: “بەپێی ڕێکەونەکان هەواڵی خۆش دەبیستن و هەموو لایەک پەرۆشن بۆ ئەوەی هەرێمی کوردستان بەرەوە ئارامییەکی تەواو بچێت”.

 

ئەندامەکەی شاندی دانوستانکاری پارتی ڕەتیکردەوە ئەمڕۆ شاندەکەیان سەردانی یەکێتی نیشتیمانی کوردستان بکات.

 

پێشتر کەمال کەرکوکی، ئەندامی مەکتەبی سیاسی پارتی و ئەندامی شاندی دانوستانكاری پارتی تایبەت بە ناس كورد-ی راگەیاندبوو، کە کۆبوونەوەکەی ئەمڕۆیان لەگەڵ بزوتنەوەی گۆڕان تایبەتە بە پرسی پێکهێنانی کابینەی نوێی حکومەت کۆدەبێتەوە.

 

هاوکات هەر ئەمرۆ مەکتەبی سیاسی یەکێتی کۆبووەوە و سەرچاوەیەکی ئاگادار لە مەکتەبی سیاسیی بە ناس کورد-ی ڕاگەیاند، ڕۆژی دوو شەممە ڕێکەوتنەکەیان لەگەڵ پارتیدا واژۆ دەکەن.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل