fbpx
Shadow Shadow

سێ مانگ بەسەر پێکهێنانى کابینەى نوێى حکومەتدا تێپەڕى

هێشتا حکومەتى هەرێم نەیتوانیوە پرۆژە یاساى چاکسازى مووچە ڕەوانەى پەرلەمان بکاتەوە

17:07 شه‌ممه‌ 19 تشرینی یه‌كه‌م 2019
article image

ناس کورد –

سێ مانگ بەسەر پێکهێنانى کابینەى نوێى حکومەتى هەرێمى کوردستاندا تێپەڕیوە و هێشتا نەتوانراوە پڕۆژە یاساى چاکسازى مووچە ڕەوانەى پەرلەمانى کوردستان بکرێتەوە کە لە مەراسیمى متمانەدان بە کابینەکە، مەسرور بارزانى، سەرۆکى حکومەتى هەرێمى کوردستان وتى “یەکێک لەو پڕۆژانەی کە لەم کابینەیەدا بە گرنگییەوە کاری لەسەر دەکەین و زیندووی دەکەینەوە، پڕۆژە یاسای چاکسازی موچەیە”.

.

 

زیاد جەبار، سەرۆکی لیژنەی دارایی لە پەرلەمانی کوردستان بە ناس کوردی ڕاگەیاند: “لیژنە هاوبەشەکەی نێوان پەرلەمان و حکومەت کۆبوونەوەیەکی ئەنجام داوە و دواتریش حکومەت خۆی لیژنەیەکی بچوکتری لەنێو خۆیدا پێکهێناوە بۆ پێداچونەوە بە پڕۆژە یاسای چاکسازیدا و ئێمە چاوەڕێی ئەو لیژنەیە دەکەین”.

.

ئاماژەی بەوەکرد: “لیژنەکە پێکهاتوە لە ئامانج رەحیم، سکرتێری ئەنجومەنی وەزیران، نێچیرڤان ئەحمەد، سەرۆکی دیوانی ئەنجومەنی وەزیران، ئاوات شێخ جەناب، وەزیری دارایی و دارا ڕەشید، وەزیری پلاندانان”.

.

بەوتەى سەرۆکى لیژنەى دارایى پەرلەمانى کوردستان لە پێداچونەوەی ئەمجارەدا، پڕۆژە کۆنەکە دەبێتە بنەما بۆ دانانی پڕۆژە یاسا نوێکە و ئەوان پێداچونەوە بە پڕۆژەکەدا دەکەن و ئەو لیژنەیە بڕیاریان داوە کۆمەڵێک گۆڕانکاری جددی و جۆری لە پڕۆژەکەدا بکەن.

.

زیاد جەبار هیوایخواست لیژنەکەی حکومەت کارێک بکات کە پڕۆژەکە هێندە باش بێت کە کاریگەری لەسەر زیادکردنی داهات و کەمکردنەوەی خەرجی هەبێت و کۆمەڵێک گۆڕانکاری و چاکسازی بکات و ئەو “نادادپەروەریە”ی هەیە لە خەرجی هەرێم و بەفیڕۆدانی  سەروەرتی گشتى نەمێنێت و بە وردی کاری زیاتر لەسەر بکرێت و کەموکورتی نەهڵێدرێت.

.

پڕۆژە یاسای (چاکسازی لە خانەنشینی و مووچە و دەڕماڵە) لە دووتوێی 20 ماددە، بۆ چاکسازی لە بواری مووچە و خانەنشینی گەڵاڵە کراوە و بەگوێرەى پڕۆژە یاساکە گۆڕانكاری لە یاساكانی خانەنشینی و دەرماڵە و ئیمتیازاتەكان دەكرێ، ئەوانەش بە نایاسایی خانەنشین كراوون، مووچەكانیان دەبڕدرێت.

.

هاوکات ئەندامێکى پەرلەمانى کوردستان ئاشکراى دەکات،  لەلایەن لیژنەکەی حکومەتەوە داوا لە پەرلەمانتاران کراوە کە هەر تێبینی و پێشنیازێکیان هەبێت لەسەر پڕۆژەکە بیدەنە ئەوان بۆ ئەوەی لەنێوان چاکسازییەکانی خۆیاندا جێگەی بکەنەوە.

 

.

ڕۆمیۆ هەکاری، پەرلەمانتاری هاوپەیمانی یەکێتی نەتەوەیی بۆ ناس کوردی روونکردەوە، تائێستا نازانن کۆبوونەوەکانی ئەو لیژنە بچوککراوەی حکومەت کەی تەواو دەبن و ئەوان چاوەڕوانى ئەوان دەکەن تا پرۆژەکە بنێرنە پەرلەمان.

.

هەکاری وتیشی : “چاوەڕوان دەکەین لەم هەفتەیەدا لیژنەکەی حکومەت دووەمین کۆبوونەوەی خۆی ئەنجام بکات”.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل