هێزە هاوبەشەکانی عێراق ئۆپراسیۆنێکی فراوانیان دژ بە داعش لە سێ پارێزگا دەستپێکرد

ناس کورد- هەڤاڵ فەتاح

هێزە هاوبەشەکانی عێراق ئۆپراسیۆنێکی فراوانیان دژ بە داعش لە سێ پارێزگای عێراق دەستپێکردووە، پێشمەرگەش دەڵیت، ئەوان ئاگاداری ئۆپراسیۆنەکە نین و داوا نەکراوە بەشدار بن.

.

لە بەرەبەیانى ئەمڕۆ یەکشممەوە، هێزە عێراقییەکان ئۆپراسیۆنێکیان لە ژێر دروشمى ‘ئیرادەى سەرکەوتن’، لە سنورى هەر سێ پارێزگاى سەڵاحەدین و ئەنبار و موسڵ دەستپێکرد، مەبەستیش لەو ئۆپراسیۆنە پاککردنەوەى تەواوەتى ئەو ناوچانەیە لە چەکدارانى داعش.

.

لاى خۆشییەوە قارەمان کەمال، جێگری سەرۆک ئەرکانی هێزی پێشمەرگە بۆ ئۆپراسیۆنەکان، تایبەت بە ناس کوردی ڕاگەیاند: “ئۆپراسیۆنەکە لە سنوری دەستەڵاتی هێزەکانی پێشمەرگەوە دوورە، لەو پرۆسە سەربازییەش وەک پێشمەرگە ئاگادار نەکراوینەتەوە”.

.

ئەو بەپرسەى پێشمەرگە وتیشی، بەشداریکردنی هێزی پێشمەرگە لە هەر جۆرە ئۆپراسیۆنێکدا لە عێراق، پێویستی بە ڕێککەوتنی پێشوەختە هەیە.

.

لەبارەى هەماهەنگییەکانى پێشمەرگە و سوپاى عێراق، قارەمان کەمال وتى، لە ئێستادا هێزی پێشمەرگە و سوپای عێراق سەرقاڵی پتەوکردنی پەیوەندییەکانی نێوانیانن، بۆ ئەو مەبەستەش چەند کۆبوونەوەیەک ئەنجامدراوە، دواین کۆبوونەوەش پێش دوو هەفتە بووە لە شاری بەغدا.

.

.