fbpx
Shadow Shadow

هێرشکرایە سەر هاووڵاتییەکى کورد لە فەلوجە.. قایمقامیەت و پۆلیسى شارەکە روونکردنەوە دەدەن

17:23 شه‌ممه‌ 17 ئاب 2019
article image

ناس کورد-

فەرماندەى پۆلیسى پارێزگاى ئەنبار، راگەیەندراوێکى لەبارەى رووداوى هێرشکردنە سەر گەنجێکى کورد لە شارى فەلوجە، بڵاوکردەوە.

.

لە راگەیەندراوەکەى فەرماندەى پۆلیسى پارێزگاى ئەنبار کە ئەمڕۆ (شەممە، 17ىئابى 2019) بڵاوکراوەتەوە، ئاماژە بەوە کراوە “رۆژى (15ى ئابى 2019) رووداوى هێرشکردنە سەر هاووڵاتییەکى کورد بە ناوى (هونەر) کە خاوەن خواردنگەیەکى گەڕۆکە لە شارى فەلوجە روویداوە و هێرشەکە چەند هاووڵاتییەکى شارەکەوە ئەنجامدراوە و پاشان لەلایەن هێزەکانى پۆلیسەوە دەستگیرکراوون”.

.

بەگوێرەى راگەیەندراوەکە، لەکاتى دەستگیرکردنى هێرشبەرەکاندا خواردنەوەى کهولییان پێ گیراوە و هێرشبەرەکان بە سەرخۆشى هێرشیان کردۆتە سەر ئەو هاووڵاتییە کوردە.

.

لە راگەیەندراوەکەدا روونکراوەتەوە، هێرشبەرەکان بە بڕیارى دادوەرى لێکۆڵینەوەى دادگاى فەلوجە راگیراوون و هاووڵاتییە کوردەکەش سکاڵاى یاسایى لەسەر تۆمار کردوون.

.

راگەیەندراوەکە ئاماژە بەوە دەکات، دوێنێ (هەینى) مەفرەزەیەکى پۆلیس سەردانى ماڵى هاووڵاتییەکەى لە شارى فەلوجە کردووە و هاوەڵییان کردووە بۆ شوێنى کارەکەیى و پۆلیسەکان هاوکارییان کردووە لە دانانى کورسى و چاککردنى شوێنى کارەکەیى و لەژێر پارێزگارى پۆلیسدا کارى ئەو رۆژەى ئەنجامداوە.

.

هونەر هاوڵاییەکى هەرێمى کوردستانەوە و لە شارى فەلوجە نیشتەجێیە و خاوەنى چیشتخانەیەکى گەڕۆکە لەیەکێک لە شەقامەکانى ئەو شارە و رۆژى (پینجشەممە)ى رابردوو لەلایەن چەند کەسێکەوە هیرشى کرایە سەر و لێیدرا.

.

دوابەدواى رووداوەکەش یەکەى فریاگوزارى ئەنبار لە راگەیەندراوێکدا دەستگیرکردنى ئەو کەسانەى راگەیاند کە هێرشیان کردبووە سەر هونەر و هەروەها عیسا سایر، قایمقامى فەلوجە لە پەیامێکدا داواى لێبووردنى لە هەرێمى کوردستان کرد و جەختى لەسەر ئەوە کردەوە هەڵسوکەوتى ئەو چەند کەسە بەرامبەر بەو هاووڵاتییە کوردە گوزارشت لە بۆچوون و هەڵسوکەوتى دانیشتووانى ناوچەکە ناکات.

هێرشکرایە سەر هاووڵاتییەکى کورد لە فەلوجە.. قایمقامیەت و پۆلیسى شارەکە روونکردنەوە دەدەن هێرشکرایە سەر هاووڵاتییەکى کورد لە فەلوجە.. قایمقامیەت و پۆلیسى شارەکە روونکردنەوە دەدەن هێرشکرایە سەر هاووڵاتییەکى کورد لە فەلوجە.. قایمقامیەت و پۆلیسى شارەکە روونکردنەوە دەدەن هێرشکرایە سەر هاووڵاتییەکى کورد لە فەلوجە.. قایمقامیەت و پۆلیسى شارەکە روونکردنەوە دەدەن

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل