fbpx
Shadow Shadow

هاوپەیمانان 14 جار چیاى مەخمور بۆردومان دەکەن

08:59 دوو شه‌ممه‌ 11 تشرینی دووه‌م 2019
article image

ناس کورد-

 

دەزگاى دژە تیرۆرى عێراق ڕایگەیاند، بە پاڵپشتى فڕۆکەکانى هاوپەیمانى نێودەوڵەتى هێرشێکى بەرفراوانیان کردووەتە سەر چەکدارانى داعش لە چیاى مەخمور.

.

دەزگاکە لەهەژمارى خۆى لە تویتەر ئاماژەى بەوەشکردووە، هێزێکى سەر بە فەرماندەیی دووەمى تایبەت سەر بە دەزگاى دژە تیرۆر و بە پشتیوانى فڕۆکەکانى هاوپەیمانى نێودەوڵەتى، لە پڕۆسەیەکى بەرفراواندا چەکدارانى داعشیان لە چیاى مەخمور بە ئامانج گرتووە.

.

باسى لەوەشکردووە، لە هێرشەکەدا ژمارەیەکى زۆر لە چەکدارانى داعش کوژراون و چەندین تونێل و ئەشکەوت خاپورکراون لەڕێگەى 14 گورزى ئاسمانییەوە کە لەلایەن فڕۆکەکانى هاوپەیمانى نێودەوڵەتییەوە ئەنجامدراون.

.

ئەمە یەکەمجار نییە چیاى مەخمور لەلایەن هێزە عێراقییەکان و هاوپەیمانانەوە بە ئامانج دەگیرێت، بەڵکو چەندین جارى دیکە بۆردومانکراوە، بە ئامانجى نەهێشتنى مەترسى داعش.

.

بەوتەى بەرپرسانى ئەمنى و هەواڵگرى عێراق، چیاى مەخمور یەکێکە لە مۆڵگەکانى مانەوەى شانە نوستووەکانى چەکدارانى داعش، دواى ئەوەى ئەو ڕێکخراوە ئەو ناوچانەى لە عێراق لەدەستدا کە دەستى بەسەرداگرتبوو.

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل