fbpx
Shadow Shadow

هاوسەرەکەی نانسی عەجرەم بە تۆمەتی کوشتنی بە ئەنقەست ڕەوانەی دادگا کرا

22:56 پێنج شه‌ممه‌ 16 كانونی دووه‌م 2020
article image

ناس کورد-

،

دادگای وڵاتی لوبنان، هاوسەرەکەی نانسی عەجرەم، خانمە هونەرمەندی بەناوبانگی لوبنانی تۆمتبارکرد بە کوشتنی بە ئەنقەست، دۆسییەکەشی ڕەوانەی دادوەری لێکۆڵینەوە کرا.

،

بە گوێرەی میدیاکانی وڵاتی لوبنان، دادگای لوبنان تۆمەتی کوشتنی بە ئەنقەستی ئاڕاستەی فادی هاشم، هاوسەری  خانمە هونەرمەندی لوبنانی، نانسی عەجرەم کردووە.

،

میدیاکانی ئەو وڵاتە ئاماژەیان بەوەشکردووە، دادگای لوبنان بڕیاریداوە، دۆسییەکەی فادی هاشم، هاوسەرەکەی نانسی عەجرەم، ڕەوانەی دادوەری لێکۆڵینەوە بکات لە ناوچەی جەبەل لوبنان.

،

لە ماوەی ڕابردوودا، ئاژانسی هەواڵی نیشتیمانی لوبنان بڵاویکردەوە، لە درەنگانی شەوی 5ى کانوونی دووەمی 2020، کەسێک بە ناوی محەمەد حەسەن موسا، کە بەڕەگەز هاوڵاتی سورییە، لەلایەن فادی هاشم، هاوسەرەکەی نانسی عەجرەم کوژراوە.

،

لەمیدیاکانی لوبنان، وا بڵاوکرایەوە، ئەو کەسە چووەتە سەر ماڵی نانسی عەجرەم لە یەكێك لە ڤێلاكانی ناوچەی كەسرەوان بەمەبەستی دزیكردن، لە ئاکامدا ڕووبەڕووی فادی هاشمی هاوسەری نانسی عەجرەم بووەتەوە و لە ئاکامدا محەمەد حەسان کوژراوە.

،

دوای چەند ڕۆژێکیش لە ڕووداوەکە، لە میدیاکانی لوبنانەوە ئەوە ئاشکراکرا، کە ئەو کەسە دز نەبووە و پێشتر کاری بۆ ماڵی نانسی عەجرەم و هاوسەرەکەی کردوو و پارەکەیان پێنەداوە، ئەویش چووە بۆ داواکردنی پارەکەی.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل