fbpx
Shadow Shadow

نەسروڵا بۆ بارزانى: پێویستە سوپاسى سولەیمانى بکەیت و بەشداربیت لەتۆڵەکردنەوەیدا

17:54 یه‌ك شه‌ممه‌ 12 كانونی دووه‌م 2020
article image

ناس کورد-

 

حەسەن نەسڕوڵا ئەمیندارى گشتى حزبوڵاى لوبنانى پەیامێکى ئاڕاستەى مەسعود بارزانى کرد و داوایکرد، سوپاسى سولەیمانى بکات و بەشداربێت لەتۆڵەکردنەوەیدا.

.

لەمیانى وتارێکی تەلەفزیۆنیدا  لەسەر کۆمەڵێک ڕوداوى ناوچەکە و ناکۆکییەکانى ئێران و ئەمریکا و کوشتنى قاسم سولەیمانى و هەڵوێستى بەرپرسانى هەرێم قسەیکرد، نەسروڵا وتى “بەڕێز مەسعود بارزانى لەسەرت پێویستە سوپاسى حاجى قاسم سولەیمانى بکەیت، هەروەها ئێوە و بەرپرسانى تریش پێویستە دان بەو سەرکەوتنانەدا بنێن و بەشدارى بکەن لە وەڵامدانەوەى ئەمریکا بەهۆى ئەو تاوانەى ئەنجامیداوە”.

.

لەدرێژەى وتەکانیدا کە ئاڕاستەى خەڵکى عێراقى کرد، ئەمیندارى گشتى حزبوڵا وتى “حەشدى شەعبى هێرشى کرد سەر داعش لەهەندێ ناوچە ئەوەش لەکاتێکدا بوو کە ئەمریکا ئەبو مەهدى موهەندیس و سولەیمانى کوشت و ئەو دوو سەکردەیەش ڕۆڵیان لەتێکشکاندنى داعشدا هەبوو”.

.

ئاماژەى بۆ ئەوەشکرد، لەسەر وڵاتانى ناوچەکە پێویستە سوپاسى قاسم سولەیمانى و ئەبومەهدى موهەندیس بکەن، کە توانیویانە داعش تێکبشکینن لەکاتێکدا زۆربەى وڵاتانەى ناوچەکە لەژێر هەڕەشەى داعشدا بوون بەو وڵاتە عەرەبیانەشەوە کە فەتوا و پشتیوانیان بۆ خۆکۆژەکان دەربڕیوە.

.

لەدواى کوژرانى قاسم سولەیمانییەوە لەلایەن ئەمریکاوە، نەسروڵا چەندین هەڕەشەى لە ئەمریکا کردووە و بەڵێنیداوە تۆڵەى کوژرانى بکەنەوە.

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل