fbpx
Shadow Shadow

سیاسه‌تی

نێچیرڤان بارزانی: هێرشی سەر باڵیۆزخانەى ئەمریکا مەترسی ڕاستەقینەن

23:42 دوو شه‌ممه‌ 27 كانونی دووه‌م 2020
article image

ناس کورد-

سەرۆکی هەرێمی کوردستان ئیدانەی ئەو هێرشە دەکات کە شەوی ڕابردوو کرایە سەر باڵیۆزخانەی ئەمریکا لە عێراق کە ئەمریکا دەڵێت کەسێک بریندار بووە تێیدا.

.

ئەمڕۆ دووشەممە، 27ی کانونی دووەمی 2020، نێچیرڤان بارزانی، سەرۆکی هەرێمی کوردستان ڕاگەیاندراویکی دەربارەی هێرشەکەی شەوی ڕابردوی سەر باڵیۆزخانەی ئەمریکا لە بەغدا بڵاوکردەوە.

.

نێچێرڤان بارزانی لە پەیامەکەدا ئیدانەى ئەو هێرشە موشەکییە دەکات  و دەڵێت، “ئەم کردەوانە مەترسیى ڕاستەقینە لەسەر دۆخ و سەقامگیرى و بەرژوەندیییەکانى عێراق دروست دەکەن، دووبارەبوونەوە و بەردەوامیشيان، لێکەوتە و ئەنجامى خراپیان بۆ سەر وڵات دەبێت”.

.

سه‌رۆكی هه‌رێمی كوردستان ئاماژەی بەوەداوە، “پاراستنى ئاسایشى باڵیۆزخانە و نێردە دیپلۆماتییەکان ئەرکى لایەنە بەرپرسەکانە و نابێ ڕێگە بدرێت یاسا و ڕێسا نێودەوڵەتییەکان پێشێل بکرێن و دیپلۆماتکاران و نێردە دیپلۆماتییەکان بکرێنە ئامانج، دووپاتى دەکەینەوە کە نابێت عێراق بکرێتە گۆڕەپانى یەکلاکردنەوەى ململانێى هێزە هەرێمى و نێودەوڵەتییەکان”.

.

ئەوەش دوای ئەوە دێت کە شەوی ڕابردوو بە چوار موشەک هێرش کرایە سەر باڵیۆزخانەی ئەمریکا لە بەغدا و بەهۆیەوە زەنگی ئاگادارکردنەوە و هۆشداری بونی مەترسی لە باڵیۆزخانەکە لێدرا.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل