Shadow Shadow

فەرمانی دەستگیرکردن بۆ خاوەنی دوورگە و بەلەمەکەش دەرچووە

نۆ کەس لەسەر ڕووداوەکەی موسڵ دەستبەسەرکران

21:44 پێنج شه‌ممه‌ 21 ئادار 2019
article image

 

ناس کورد-

 

دادگای لێکۆڵینەوەی موسڵ ڕایگەیاند کە نۆ کەس لە کارمەندانی بەرپرس لە ڕووداوەکەی ئەمڕۆی موسڵ دەستبەسەر و فەرمانی دەستگیرکردنیش بۆ خاوەنی دوورگە گەشتیارییەکە و خاوەنی بەلەمەکەش دەرچووە.

بەپێی ڕاگەیەندراوێکی دادگای لێکۆڵینەوەی موسڵ کە وێنەیەکی دەست ناس کورد کەوتووە، دادگاکە بڕیاری دەستبەسەرکردنی بۆ نۆ کەس لە کارمەندانی بەرپرسی ئەو بەلەمە دەرکردووە کە ئەمڕۆ لە ڕووباری دیجلەدا وەرگەڕا.

هاوکات دادگاکە ئاماژەی بۆ ئەوەش کردووە، فەرمانی دەستگیرکردن بۆ هەریەک لە خاوەنی دوورگە گەشتیارییەکە و خاوەنی بەلەمەکەش دەرکراوە، لایەنە پەیوەندیدارەکانیشی ڕاسپاردووە بۆ ئەنجامدانی ڕێوشوێنی پێویست.

 ئەمڕۆ بەلەمێکی گەشتیاری لە یەکێک لە دوورگە گەشتیارییەکانی لە ڕووباری دیجلە لە شاری موسڵ وەرگەڕا و بەهۆیەوە قوربانییەکی زۆری لێکەوتەوە.

بەپێی دوایین ئامارەکان، لە ڕووداوەکەدا 76 گیانیان لەدەستداوە جگە لە ئەوانەی کە تا ئێستا بێسەروشوێنن، هاوکات 44 کەس ڕزگارکراون.

ڕێکخراوی مانگی سووری عێراقییش ڕزگارکردنی 21 منداڵی ڕایگەیاند کە حەوتیان ڕادەستی خێزانەکانیان کراوەتەوە و 14ی دیکەشیان دراون بە هێزە ئەمنییەکان بۆ دۆزینەوەی خێزانەکانیان.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل