fbpx
Shadow Shadow

سیاسه‌تی

نوێنەرى حکومەتى هەرێم لە بەغدا هۆکارى دواکەوتنى ناردنى موچەى فەرمانبەرانی هه‌رێم ئاشکرادەکات

09:13 سێ شه‌ممه‌ 18 شوبات 2020
article image

ناس کورد-

 

نوێنەرى حکومەتى هەرێم لە بەغدا ڕایگەیاند، ناردنى پارەى تایبەت بە موچەى فەرمانبەرانى هەرێم لە بەغدا واژۆکراوە، هۆکارى دواکەوتنى ناردنیشى بۆ گۆڕانکاریی لە وەزارەتى دارایی دەگەڕێنێتەوە.

.

بەشێوەیەکى گشتى بەغدا مانگانە لەناوەڕاستى هەر مانگێکدا پارەى تایبەت بە موچەى فەرمانبەرانى ڕەوانەى هەرێم دەکرد، بەڵام لە ئێستادا کە 18ى مانگە هێشتا پارەکە ڕەوانەنەکراوە.

.

فارس عیسا نوێنەرى حکومەتى هەرێم لە بەغدا بە ناس کوردى ڕاگەیاند “ناردنى ئەو بڕە پارەیە لە بەغداوە رانەگیراوە، ئەو پرسە لەم هەفتەیەدا یەکلایدەکرێتەوە، ناردنى پارەکە ئیمزاکراوە لەلایەن وەزیرى داراییەوە و لەم هەفتەیە یان سەرەتاى هەفتەى داهاتوو ڕەوانە دەکرێت”.

.

وتیشى “هۆکارى دواکەوتنى ناردنى پارەکە پەیوەندى بەهەندێ ڕێوشوێنى دارایی و گۆڕانکارییەوە هەیە لە وەزارەتى دارایی، کە رەنگە کاریگەرى لەسەر خەرجکردنى بودجەى وەزارەتەکانى عێراقیش هەبێت”.

.

فارس عیسا ڕونیکردەوە “گۆڕانکارییەکان پەیوەندیان بە گۆڕانکارییکردن و خانەنشینکردنى هەندێ بەرێوەبەرى گشتى وەزارەتى داراییەوە هەیە کە پێشتر دەسەڵاتى ناردنى پارەکە لەلای ئەوان بوو، ئێستا کەسى دیکە دانراوە لە شوێنیان”.

.

لەساڵى ڕابردووەوە و بەپێی رێککەوتنى نێوانیان، بەغدا مانگانە 522 ملیار دینار دەنێرێت بۆ هەرێمى کوردستان بەمەبەستى دابەشکردنى موچەى فەرمانبەران.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل