fbpx
Shadow Shadow

سیاسه‌تی

نوێنەرانی کورد بۆچوونی خۆیان لەسەر کاندیدی ڕاسپێدراو بۆ پێکهێنانی حکومەتی عێراق ئاشکرادەکەن

23:06 شه‌ممه‌ 01 شوبات 2020
article image

ناس کورد-

دوای ڕاسپاردنی محەمەد تۆفیق عەلاوی بۆ پێکهێنانی کابینەی نوێی حکومەتی عێراق، فراکسیۆنە کوردییەکانی پەرلەمانی عێراق بە کەسێکی باشی دەزانن و پەرلەمانتارێکی یەکێتی دەڵێت، دەبێت هەموو ئەو مافانەى کورد بدات کە لە دەستوردا دیارى کراوە ئەوە خێر نییە و مافى دەستورى کوردە، نوێنەرێکی پارتیش ئاماژە بەوەدەکات، بەدڵنیاییەوە یەکڕیزى ماڵى کوردى لەسەر بووە، دەشڵێت، ئەگەر لەگەڵ کورد نەگونجا هەڵوێستیان دەبێت.

،

ئێوارەی ئەمڕۆ شەممە، 2ی شوباتی 2020، بەرهەم ساڵح، سەرۆککۆماری عێراق، بەشێوەیەکی فەرمی محەمەد تۆفیق عەلاوی، ڕاسپارد بۆ پێکهێنانی کابینەی نوێی حکومەتی عێراق.

،

حەسەن ئاڵی، ئەندامی فراکسیۆنی یەکێتی لە پەرلەمانی عێراق بە ناس کوردی ڕاگەیاند: ” علاوى پێشتریش لەو کەسانە بووە چەند جارێک ناوى بۆ ئەو پۆستە هاتووە،  وەک نوێنەرانى کورد کێشەمان نییە لەگەڵیدا، بەڵام دەبێت ئەو کەسە رەزامەندى سەرجەم عیراقیەکان و شەقامى عیراقى لەسەر بێت، کەسێکى باشەو رەزامەندى ئەو کەسانەى لەسەرە کە خۆیان بەخاوەنى ئەو پۆستە دەزانن، پێشمان وایە کە دەبێتە جێگرەوەى عادل عبدولمەهدی”.

،

سەبارەت بە پەیوەندی عەلاوی لەگەڵ کورد دا، ئاڵی ئاماژەی بەوەکرد: ” دەبێت هەڵوێستى باش بێت، چونکە عیراق دوو پێکهاتەى سەرەکى هەیە کە عەرەب و کوردە، هەرکەسێک بێتە سەر دەسەڵات دەبێت هەموو ئەو مافانەى کورد بدات کە لە دەستوردا دیارى کراوە ئەوە خێر نییە و مافى دەستورى کوردە، ئێستا خەڵکى ئێمە لە قەیرانێکى زۆردایە و خەمى ئێمە دابینکردنى بژێوى خەڵکى کوردستانە، تائێستا ئێمە شارەزاى کارەکانی نەبوین بەڵام کەسێکى باشە، هەرکەسێک بێت دەبێت لەسەر دەستور و یاسا و رێنماییەکان دەوڵەت ببات بەڕێوە نەک لەسەر خواست و ویستی خۆى یان لەپێناوى بەرژەوەندى ئەو حزب و لایەن و پێکهاتەیەى دەستنیشانى کردوە بۆ ئەو پۆستە”.

،

لەلایەکی دیکەوە شێروان دوبەردانى پەرلەمانتارى فراکسیۆنی پارتی بە ناس کوردی وت: “بڕیاری ڕازیبوون بە کاندیدەکە لەلاى سەرکردایەتى و مەکتەب سیاسی حزبەکەمانە، بەڵام ئەمڕۆش کە سەرۆککۆمار محەمەد تۆفیق عەلاوى راسپاردوە بەدڵنیاییەوە یەکڕیزى ماڵى کوردى لەسەر بووە”.

،

وتیشی: “وەک کورد مافەکانى هەرێم ئاشکرایە لاى لایەنەکانى دیکە و کێشەیان لەسەر نییە و ئێمە سورین لەسەر ئەو مافانە کە مادەى 140 و موچەو بودجەو کەرکوک و نەوت و غازە، لەم ماوەیەدا چاودێرى سەرۆکوەزیران و کابینەکەى و بەرنامە حکومیەکەى دەکەین ئەگەر لەگەڵ کورد نەگونجا ئەو کاتە هەڵوێستمان دەبێت”.

،

هاوکات بەهار مەحمود، ئەندامى فراکسیۆنى گۆڕان لە پەرلەمانی عێراق بە ناس کوردی ڕاگەیاند: ” من وەک خۆم پێشتریش کە لەناو پەرلەماندا واژوو بۆ ئەوە کۆکرایەوە کە بکرێتە سەرۆکوەزیران من واژووم کرد، ئەوەندەى من بزانم کەسێکى تاییفى نییە و پیشەییە، لەئێستاشدا پشوى وەرزى یاسادانانى پەرلەمان دەستى پێکردوەو ناتوانین بڵێین ئەوە بۆچونى سەرجەم فراکسیۆنە کوردیەکانە”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل