Shadow Shadow

"هیچ پارەیەک نەخراوەتە سەر ئەژمارى تایبەتى پارێزگارى کەرکوک"

نوسینگەى ڕۆژنامەوانى د.نەجمەدین کەریم زانیارییەکانى دوو پەرلەمانتارى گۆڕان ڕەتدەکاتەوە

09:11 پێنج شه‌ممه‌ 30 ئایار 2019
article image

ناس کورد-

نوسینگەى ڕۆژنامەوانى د.نەجمەدین کەریم لە ڕاگەیندراوێکدا زانیارییەکانى دوو پەرلەمانتارى گۆڕان ڕەتدەکەنەوە کە پارێزگارى پێشووى کەرکوکیان بەوە تۆمەتبار کردبوو کە “50 ملیۆن دۆلار بەشە پارەى پترۆدۆلارى کەرکوک خرابێتە سەر ئەژمارى بانکییەکەى”.

.

پاش ئەوەى چەند پەرلەمانتارێک ڕایانگەیاند، یەکێک لە دۆسییەکانى گەندەڵى د.نەجمەدین کەریم ئەوەیە پارەى پترۆدۆلارى کەرکوکى خستۆتە سەر ئەژمارى بانکى تایبەتى خۆى، نوسینگەى ڕۆژنامەوانى پارێزگارى پێشوى کەرکوک ئەو زانیاریانەى ڕەتکردەوە و ڕایگەیاند: “چەند ڕۆژێکە لەلایەن چەند ئەندام پەرلەمانێکی بزوتنەوەی گۆڕان کە ھەریەک لە علی حەمە ساڵح ئەندام پەرلەمانی کوردستان و کاوە محمد مولود ئەندام پەرلەمانی عێراق، ھێرشێکی ناڕەوا و دوور لە راستیان دەست پێکردووە دژ بە دکتۆر نەجمەدین کەریم، کە گوایە بڕی 50 ملیۆن دۆلار بەشە پارەی پترۆدۆلاری کەرکوک خراوەتە سەر ئەژماری تایبەتی، بۆ ئەم ھەواڵە درۆینە چەند دەزگایەکی ڕاگەیاندن بێ ئەوەی لە ڕاستی بابەتەکە بکۆڵنەوە بەشێوەیەکی ڕاستی بۆ ھاوڵاتیانی کوردستان و شاری کەرکوکی بخەنەڕوو بەداخەوە ئەو دەزگایانەش کەوتنە ھەڵەی خۆیانەوەو بڵاویان کردەوە”.

.

لە بەشێکى ترى ڕاگەیەندراوەکەدا نوسینگەى ڕۆژنامەوانى د.نەجمەدین کەریم ئاماژەى بەوەکردووە، لە 1/1/2016 ڕێککەوتنێک لەنێوان د.نەجمەدین کەریم و حکومەتى هەرێم واژوو کراوە بە پێدانى بڕى 10 ملیۆن دۆلار وەک پترۆدۆلار بۆ کەرکوک، ئەوەش پاش ئەوەى حکومەتى عێراق بودجەى کەرکوک بڕیبوو و توشى قەیرانى دارایی بو، بەو پارەیە چەندین پرۆە بۆ کەرکوک ئەنجامدراوە.

.

لەگەڵ خستنەڕوى چەندین بەڵگە ئەوەش ئاشکرا کراوە کە ھیچ ئەژمارێکی تایبەتی بەناوی پارێزگارى پێشوەوە نەبووە لە بانکی کوردستانی نێودەوڵەتی لەھەولێر، نوسینگەى ڕۆژنامەوانى د.نەجمەدین ئەوەشى وتووە: “بە ڕەزامەندی سەرۆکی ئەنجومەنی وەزیرانی عێراق وە بە نوسراوی فەرمی پارێزگای کەرکوک (ژمارە 801 لە 1/2/2016 وە نوسراوی ژمارە 1667 لە 1/3/2016) کە ئاراستەی نوسینگەی وەزیری دارایی حوکمەتی عێراق کراوە وە ئاگادارکراونەتەوە لە وەرگرتنی ئەو بڕە پارەیەى کە لەلایەن حوکمەتی ھەرێمی کوردستان وەک پشکی کەرکوک لەپارەی پترۆدۆلار، کە دەدرێت بەئیدارەی کەرکوک کە دەخرێتە سەر ئەژماری تایبەت بەپارێزگای کەرکوک نەک پارێزگار”.

.

وێنەیەک لەو بەڵگانەى لەلایەن نوسینگەى ڕۆژنامەوانى د.نەجمەدین کەریم خراوەتەڕوو:

نوسینگەى ڕۆژنامەوانى د.نەجمەدین کەریم زانیارییەکانى دوو پەرلەمانتارى گۆڕان ڕەتدەکاتەوە نوسینگەى ڕۆژنامەوانى د.نەجمەدین کەریم زانیارییەکانى دوو پەرلەمانتارى گۆڕان ڕەتدەکاتەوە نوسینگەى ڕۆژنامەوانى د.نەجمەدین کەریم زانیارییەکانى دوو پەرلەمانتارى گۆڕان ڕەتدەکاتەوە

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل