Shadow Shadow

نوسینگەى سەرۆکى هەرێم: نێچیرڤان بارزانی نێوەندگیرى پڕۆسەى ئاشتى تورکیا دەکات

15:49 یه‌ك شه‌ممه‌ 08 ئه‌یلول 2019
article image

ناس کورد –

نوسینگەى رۆژنامەوانى سەرۆکى هەرێمى کوردستان راگەیەندراوێکى بڵاوکردەوە و تیایدا ئاماژە بەوە دەکات “لەسەر داوای هەدەپە، نێچیرڤان بارزانی بەڵێنی بەگەڕخستنی هەوڵەکانی بۆ پرۆسەی ئاشتی داوە”.

.

ئەمڕۆ (یەکشەممە، 8ی ئەیلولی 2019) شاندی باڵای هاوسەرۆکایەتی پارتی دیموکراتی گەلان (هەدەپە) لە دووەمین ڕۆژى سەردانەکەیان بۆ هەرێمی کوردستان لەگەڵ نێچیرڤان بارزانی، سەرۆکی هەرێمی کوردستان و هەروەها دەستەی سەرۆکایەتی پەرلەمانی کوردستان، کۆبوونەوە.

.

لە راگەیەندراوێکى نووسینگەى رۆژنامەوانى سەرۆکى هەرێمى کوردستان، لەبارەى ناوەڕۆکى کۆبوونەوەکە ئاماژەى بەوە کرد “سەرۆکی هەرێمی کوردستان دووپاتی کردووەتەوە کە ئێستا کاتی ئاشتییە و پرسی کورد لە تورکیا دەبێ لە ڕێگەی ئاشتییەوە چارەسەر بکرێت، چونکە شەڕ هیچ شتێک چارەسەر ناکات و نابێت هیچ دەرفەتێک بۆ ئاشتی لە تورکیا لەدەست بدرێت”.

.

 

بەگوێرەى راگەیەندراوەکە، نێچیرڤان بارزانی جەختی لەوە کردووەتەوە کە لە هەوڵەکانی بۆ دەستپێکردنەوە و سەرخستنی پڕۆسەی ئاشتی لە تورکیا بەردەوام دەبێت و لەو پێناوەدا هەرچی پێویست بێت، درێخی ناکەن.

.

هاوکات دوێنێ شاندەکەی هەدەپە لەگەڵ مەسعود بارزانی، سەرۆکی پارتی دیموکراتی کوردستان کۆبوونەوە و  بەگوێرەى راگەیەندراوێکى نووسینگەی رۆژنامەوانى بارزانی، شاندی هەدەپە داوایان لە بارزانی کردوە بە لەبەرچاوگرتنی ئەو ڕۆڵ و پێگەیەی كە لەناو كوردستان و ناوچەكەدا هەیەتی، یارمەتی چارەسەری ئاشتیانە و سیاسیانەی كێشەی كورد بدات.

.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل