Shadow Shadow

پەرلەمانتارێکى کورد: هەڵوێستمان دەبێت

“نزیکەی 40 هەزار هاوڵاتی عەرەب گواستراونەتەوە بۆ کەرکوک”

21:51 یه‌ك شه‌ممه‌ 04 ئاب 2019
article image

 

 

ناس کورد- هەڤاڵ فەتاح

بەگوێرەى بەڵگەنامەیەک کە وەک ئامارى کۆمپانیای خۆراکی وەزارەتی بازرگانی عێراق بڵاوکراوەتەوە، لە مانگی یەکى ئەمساڵ تا مانگى تەموز، نزیکەی 40 هەزار هاوڵاتی عەرەب فۆڕمی خۆراکیان گواستراوەتەوە بۆ بۆ پارێزگای کەرکوک، پەرلەمانتارێکی کوردیش دەڵێت، لەسەر ئەو پرسە لێکۆڵینەوە دەکەن.

,

ئەو بەڵگەنامەى کە بڵاوکراوەتەوە گوایە ئامارێکی کۆمپانیای خۆراکی وەزارەتی بازرگانی عێراقە، وێنەیەکی دەست ناس کورد کەوتووە، تیایدا هاتووە، لە سەرەتای ئەمساڵەوە تا مانگی تەموزی 2019، 39 هەزار و 268 هاوڵاتى عەرەب فۆڕمی خۆراکیان گۆاستراوەتەوە بۆ سەر پارێزگای کەرکوک و نیشتەجێ کراون.

,

لەوباریەوە، بێستون زەنگەنە، پەرلەمانتاری عێراق لە فراکسیونی یەکێتی، تایبەت بە ناس کوردی ڕاگەیاند: “بەپێى بڕیاری ئەنجومەنی وەزیرانی عێراق، هەموو هاوڵاتییەکی عێراقی ئازادە لە گواستنەوەی ڕەگەزنامە و فۆرمی خۆراکی بۆ هەر شوێنێکی عێراق، بەڵام ئەو بڕیارە لە کەرکوک کاری پێناکرێت، چونکە دۆخی کەرکوک پەیوەندی بە ماددەی 140وە هەیە”.

,

ئەو پەرلەمانتارە کە هاوکات دانیشتووى کەرکوکە ئاماژەى بەوەشکرد، تا پرسی ئەو شارە یەکلا نەبێتەوە، نابێت هیچ کردارێکی لەو شێوەیە لە کەرکوک ئەنجامبدرێت.

,

“ئەوەی کراوە نایاساییە و بە توندی ڕەتیدەکەینەوە، داوامان لە وەزارەتی بازرگانی عێراقیش کردووە، ئاماری ئەو هاوڵاتییانەمان بۆ بخەنەڕوو کە لە دوای ساڵی 2018 فۆرمەکانیان گواستراوەتەوە بۆ کەرکوک”، بێستون زەنگەنە واى وت.

,

وتیشی، زانیارییان هەیە لە گواستنەوەى فۆڕمى خۆراک بۆ کەرکوک بەڵام ژمارەکان کەمترن، دەشڵێت، ئەگەر دڵنیابوون لە ڕاست و دروستی ئەو ئامارانە، ئەوا هەڵوێستیان دەبێت و داوای ڕونکردنەوەش لە وەزیری بازرگانی عێراق دەکەن.

 

"نزیکەی 40 هەزار هاوڵاتی عەرەب گواستراونەتەوە بۆ کەرکوک"

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل