Shadow Shadow

"وەزارەتی ڕۆشنبیری سودی دارایی لێ نەبینیوە"

نرخی کرێی مەترێک دووجا شوێن لە پێشانگای نێودەوڵەتی کتێب 100 دۆلارە

08:43 یه‌ك شه‌ممه‌ 07 نیسان 2019
article image

ناس كورد– هەڤاڵ فەتاح

هەموو ساڵێك پێشانگای نێودەوڵەتی كتێب لە شاری هەولێر دەكرێتەوە و ئەم ساڵیش چواردەهەمین خولی ئەو پێشانگایە لە 3ی ئەم مانگەو كراوەتەوە و تا 13ی نیسان بەردەوام دەبێت، نرخی کرێی یەک مەتر دووجا لەو پێشانگایە بۆ فرۆشتنی کتێب 100 دۆلارە، وتەبێژی وەزارەتی ڕۆشنبیریش دەڵێت، ئەو پێشانگایە لە ڕوی داراییەوە هیچ سودێکی بۆ ئەوان نیە.

 

ڕەوەز حەمە ساڵح  خاوەنی دەزگای غەزەلنوس تایبەت بەناس كورد-ی ڕاگەیاند: “وەك دەزگایەكی بڵاوكردنەوە لەم پێشانگایەدا بەشدارین و شوێنكی تایبەتمان لەناو پێشانگاكە بە كرێ گرتوە، نرخی كرێی یەك مەتر دووجا لەناو ئەو پێشانگایە بە 100 دۆلارە”.

 

“ئەو شوێنەی ئێمە بە كرێمان گرتوە خراپترین شوێنی ناو پێشانگاكەیە، شوێنی دیکەش هەیە كە زۆر ستراتیژی و باشن هەمان نرخیان هەیە، بەڵام دەدرێت بەو كەسانەی كە لە بەرپرسە حكومی و حیزبییەكانەوە نزیكن”، ڕەوەز حەمە ساڵح وای وت.

 

لە بارەی سودی دارایی ئەو پێشانگایە بۆ وەزارەتی ڕۆشنبیری و بوونی پشکی تێیدا، فەرهەنگ گۆمەشینی وتەبێژی وەزارەتی ڕۆشنبیری حكومەتی هەرێمی كوردستان تایبەت بە ناس كورد-ی  راگەیاند: “ئەو پێشانگایە لە ڕوی ماددیەوە هیچ سودێكی بۆ وەزارەتی ڕۆشنبیری نییە، وەزارەتیش وەك لایەنەكانی تر بەشداری لەو پێشانگایەدا کردووە و شوێنكی تایبەتی هەیە کە پەرتوك و بڵاوكراوەكانی تێدا دەخاتەڕوو”.

وتەبێژی ڕۆشنبیری وتیشی: “دەزگای دارولمەدا هەموو ساڵێك ئەو شوێنە بە كرێ لە وەزارەتی شارەوانی وەردەگرێت، کە ئێمە نازانین کرێکەی چۆنە و چەندە”.

وەزارتی ڕۆشنبیری لیژنەیەكی تایبەتی هەیە بۆ فلتەرکردنی ئەو ناونیشانانەی کە لە پێشانگای نێودەوڵەتی کتێب بەشداریان پێدەکرێت، بە وتەی فەرهەنگ گۆمەشینی، لەم خولەی ئەمساڵدا هیچ لیستێكیان ئامادە نەكردووە سەبارەت بە ناونیشانی قەدەغەكراو.

پێشانگای نێودەوڵەتی کتێب لە هەولێر، ئەمساڵ بە بەشداری 300 دەزگای چاپ و بڵاوکراوە، کە لە 21 وڵاتەوە بەشدارن بەڕێوە دەچێت.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل