Shadow Shadow

نرخی عومرەکردن گران دەبێت.. وردەکارییەکەى بخوێنەوە

17:19 دوو شه‌ممه‌ 09 ئه‌یلول 2019
article image

ناس کورد-

وەزارەتى حەج و عومرەى سعودیە بڕیاریدا بە هەڵوەشاندنەوەى وەرگرتنی ڕسوماتی دووبارەکردنەوەی عومرە، لە بەرانبەردا، لەمەودوا بڕی 300 ریاڵی سعودی (85 دۆلار) ڕسوماتی ڤیزا لە هەر عومەرێکارێک وەردەگرێت کە پێشتر بە خۆڕایی بوو.

لەبارەى ڕسوماتی عومرەى دووبارە، کۆمپانیای پاڕێزان بۆ حەج و عومرە بە ناس کوردی وت، پێشتر هەر کەسێک عومرەى دەکرد بۆی نەبوو تا پێنج ساڵ عومرە بکاتەوە یان دەبوو دوو هەزار ڕیاڵ (535 دۆلار) بدات وەک ڕسومات، بەڵام ئەمڕۆ سعودیە ئەو ڕسوماتەى هەڵوەشاندووەتەوە و هاوڵاتیان دەتوانن ساڵانە عومرە بکەن.

.

کۆمپانیای پاڕێزان وتیشی، بەپێی بڕیارێکی تر وەزارەتى حەج و عومرەى سعودیە، نرخی ڤیزای عومرەکردن دەبێتە نزیکەى 300 (85 دۆلار) کە پێشتر بە خۆڕایی بوو، بۆیە گەشتی عومرە گرانتردەبێت کە لە ئێستادا نزیکەى 800 دۆلاری تێدەچێت.

لەبارەى هۆکاری بڕیارە تازەکەوە، وەزارەتى حەج و عومرەی سعودیە دەڵێت، دەیانەوێت ئامانجی پلانی ڕوانینی 2030ی بەدیبهێنرێت کە پێویستە لەساڵی 2030دا پێشوازی لە 30 ملیۆن عومرەکار بکرێت.”

دەشڵێت، “خزمەتگوزاری زیاتر بۆ حاجیان و عومرەکاران زیاتر دەکرێت بۆئەوەى بتوانن بە ئاسودەیی و سەلامەتی حەج و عەمرەکانیان بکەن.”

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل