fbpx
Shadow Shadow

ناوەڕۆکى کۆبوونەوەى ئەنجومەنى وەزیرانى عێراق بۆ تاوتوێکردنى دەستلەکارکێشانەوەى عەبدولمەهدى

13:43 شه‌ممه‌ 30 تشرینی دووه‌م 2019
article image

ناس کورد-

 

ئەنجومەنى وەزیرانى عێراق لەبارەى دەستلەکارکێشانەوەى عادل عەبدولمەهدى کۆبووەوە و عەبدولمەهدى داواى لە وەزیرەکان کرد بەردەوامى بدەن بە کارەکانیان تا پێکهێنانى حکومەتى نوێ.

.

ئەنجومەنى وەزیرانى عێراق لە ڕاگەیەنراوێکدا ڕایگەیاند، عادل عەبدولمەهدى لەکۆبوونەوەکەدا جەختى لەسەر ئاڵوگۆڕى ئاشتیانەى دەسەڵات کردووەتەوە و باسى لەوەکردووە، بەدیهێنانى بەرژەوەندى گەل ئامانجى ئەوانە.

.

وتیشى “حکومەت هەموو هەوڵێکیداوە بۆ وەڵامدانەوەى داواکارى خۆپیشاندەران و ئەنجامدانى چاکسازیی و دامەزراندن و دابەشکردنى زەوى و ئامادەکردنى پڕۆژەى هەڵبژاردن و کۆمسیۆن”.

.

عادل عەبدولمەهدى داواشى لە پەرلەمان کردووە رێگەچارەى گونجاو بدۆزێتەوە لە دانیشتنى داهاتوویدا، هەورەها داواى لە حکومەت کردووە بەردەوام بدەن بە کارەکانیان تا پێکهێنانى حکومەتى نوێ.

.

هەر لە کۆبوونەوەکەدا، ئەنجومەنى وەزیران دەنگیدا لەسەر دەستلەکارکێشانەوەى بەڕێوەبەرى نوسنگەى سەرۆک وەزیران و ئەمیندار گشتى ئەنجومەنى وەزیران.

.

ئەوە لەکاتێکدایە، دوێنێ عادل عەبدولمەهدى ڕایگەیاندبوو، بەم نزیکانە نامەى دەستلەکارکێشانەوەى ئاڕاستەى پەرلەمانى عێراق دەکات، وەک وەڵامێک بۆ داواکارى مەرجەعیەت و گەل.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل