fbpx
Shadow Shadow

یەکێتى وەڵامى پارتى دایەوە “پارتى تێبینى لەسەر کاندیدەکانمان هەیە”

15:14 شه‌ممه‌ 02 تشرینی دووه‌م 2019
article image

ناس کورد-

یەکێتى نیشتیمانى کوردستان بەفەرمى وەڵامى پارتى دیموکراتى کوردستانى دایەوە، لەبارەى جێبەجێنەکردنى ڕێککەوتنەکانى نێوانیانەوە.

.

لەتیف شێخ عومەر وتەبێژى یەکێتى لە کۆنگرەیەکى ڕۆژنامەنوسیدا ڕایگەیاند “لەبارەى ئەوەى بۆچى ناوى کاندیدەکانمان بۆ پۆستەکانى بریکار و بەرێوەبەرە گشتییەکان دیارینەکردووە، ئەوەیە تەنیا یەک کاندیدمان لەسەرەتاى پێکهێنانى کاندیدەکەوە پێشکەشکردووە، بەڵام پارتى قبوڵینەکردووە، بەپاساوى ئەوەى قسەى نابەجێ و هەڵەیکردووە، لەکاتێکدا ئەو کەسە تەنها رەخنەى گرتووە”.

.

وتیشى “ئەگەر پارتى بۆچوونى هەبێت لەسەر برادەرەکانى ئێمە کە پۆست وەردەگرن، ئەوکات با کاندیدەکانی پارتیش بێتە لاى ئێمە ئێمەش بەوان رازى نین”.

.

لەبارەى یاریدەدەرەکانى سەرۆکى حکومەتەوە، وتەبێژى یەکێتى وتى “لە پەیڕەوى ناوخۆى ئەنجومەنى وەزیران باسى یاریدەرەکان نەکراوە، دانانى ئەو یاریدەدەرانە بارگرانى زۆر و زیاد لە پێویست دروستدەکات، لەهیچ کابینەیەکدا پۆستێک نەبووە بەناوى یاریدەدەرى ئەنجومەنى وەزیران”.

.

لەسەر پرسی کەرکوک، وتەبێژى یەکێتى ڕایگەیاند، ڕێککەوتنەکەیان لەو بارەیەوە هیچى لێجێبەجێنەکراوە و هەر دواخرا تا بڕیارى هەڵوەشاندنەوەى ئەنجومەنى پارێزگاکان درا، ئەوەش هیچ هیوایەکى بۆ دانانى پارێزگارێکى کورد بۆ کەرکوک نەهێشتەوە.

.

ئەمڕۆ پارتى و حکومەت بەجیا یەکێتیان تۆمەتبارکرد بە جێبەجێنەکردنى ڕێککەوتنەکانى تایبەت بە پێکهێنانى حکومەت، دواى ئەوەى ئەو حزبە کۆتایی هەفتەى ڕابردوو ناڕەزاییەکانى لەو بارەیەوە ڕاگەیاند و پارتى بە جێبەجێنەکردنى ڕێککەوتنەکان تۆمەتبارکرد.

وتەبێژی یەکێتی وەڵامی وتەبێژی پارتی دەداتەوە #ناس_ڕاستەوخۆ #ناس_نیوز

Gepostet von NAS – KURD am Samstag, 2. November 2019

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل