fbpx
Shadow Shadow

"هه‌ژماری بانكی بۆ فه‌رمانبه‌ران دروستده‌كرێت"

ناس كورد شێوازی دانه‌وه‌ی پاشه‌كه‌وتی موچه‌ی فه‌رمانبه‌ران ئاشكرا ده‌كات [تایبه‌ت]

22:19 چوار شه‌ممه‌ 08 كانونی دووه‌م 2020
article image

ناس كورد- هەڤاڵ فەتاح

 

حکومەتی هەرێمی کوردستان، لە ڕێگەی دانانی هه‌ژماری بانكییه‌وه‌ بۆ فه‌رمانبه‌ران پاشه‌کەوتی موچە ده‌داته‌وه‌ و  بڕیاریشە کەمترین موچەی خانەنشینی لە هەرێم لە چوار سەد هەزار کەمتر نەبێت.

.

پاش ئەوەی لە کۆبوونەوەی ئەمڕۆی ئەنجوومەنی وەزیراندا، دوو بڕگه‌ی نوێ بۆ پڕۆژه ‌یاسای چاكسازی موچه‌ و خانه‌نشینی په‌سه‌ندكرا كه‌ تایبه‌تن به كه‌مترین موچه‌ی خانه‌نشینی و شایسته‌ی دارایی موچه‌خۆران، سەرچاوەیەکی به‌رپرس لە ئەنجومەنی وەزیران سەبارەت بەو دوو بڕگەیە تایبەت بە ناس کوردی ڕاگەیاند :” ئەودوو پێشنیارەی کە ئەمڕۆ، حکومەتی هەرێمی کوردستان پەسەندی کرد، پێشنیاری لیژنەی دارایی پەرلەمانی کوردستان بوو، ئەنجومەنی وەزیرانیش دوای ڕاوێژ لەگەڵ لیژنەی دارایی و ئابوریی پەرلەمان، دوو بڕگەی نوێی بۆ پڕۆژە یاساکە پەسەند كرد”.

.

سه‌رچاوه‌ به‌رپرسه‌كه‌ رونیكرده‌وه‌، بڕیارە شایستە داراییەکانی فەرمانبەران کە  لە ماوەی پێشودا بەهۆی قەیرانی دارایی و پاشەکەوتی مووچەوە  له‌سه‌ر حكومه‌ت کەڵەکه‌بوون بدرێنەوە بە فەرمانبەران ئەوەش لەڕێگەی ڕێکارە بانکییەکانەوە.

.

سەرچاوەکە ئاماژه‌ی به‌وه‌ش كرد :”دوای پەسەندکردنی پێشنیارەکە لەلایەن حکومەتەوە، وەزارەتی دارایی بەزوترین کات دەستدەکات بەکردنەوەی هەژماری بانکی بۆ هەر فەرمانبەرێکی حکومەت، ئەو فەرمانبەرەش دەتوانێت لەڕێگەی ئەو هەژمارە موچەکەشی وەربگرێت هاوشێوەی وڵاتانی دەرەوە”.

.

ناس كورد زانیوویه‌تی پاش ئەوەی پڕۆژەی چاکسازی پەسەند دەکرێت و دەچێتە بواری جێبەجێکردنەوە، حکومەت لە دەرئەنجامی پڕۆژەکەوه‌ کەمترین موچەی خانەنشینی دیاری دەکات.

.

سەرچاوە به‌رپرسه‌كه‌ی ئەنجومەنی وەزیرانی هه‌رێم، ئاماژه‌ی به‌وه‌ كرد :”کەمترین موچەی خانەنشینی لەعێراق 500 هەزار دینارە، بەڵام بەهۆی ئەوەی حکومەتی هەرێم لەتوانایدا نییە لەئێستادا ئەو بڕە پارەیە وەک کەمترین موچە دیاری بکات بۆ خانەنشینی هەرێم، پێشنیارکراوە پاش جێبەجێکردنی پڕۆژەی چاکسازی و دەرکەوتنی ئەنجامەکانی کەمترین موچەی خانەنشینی لە هەرێمی کوردستان بکرێت بە 400 هەزار دینار”.

.

ئەندامێکی لیژنەی دارایی پەرلەمانی کوردستان په‌سه‌ندكردنی ئه‌و دوو بڕگه‌یه‌ لەلایەن حکومەتەوە، به‌سه‌ره‌تایه‌كی باش ده‌زانێت بۆ ئەوەی حکومەت پابەند بکرێت بە دانەوەی ئەو قەرز و شایستە داراییانەی کە لای کەڵەکه‌ بووە و نه‌شیشارده‌وه‌ :” هێشتا له‌ ئاست ئامانجەکانی ئه‌واندا نییه‌”.

.

شێرکۆ جەودەت، ئەندامی لیژنەی دارایی پەرلەمانی کوردستان، بەناس کوردی وت :”بڕگه‌ی یه‌كه‌م تایبه‌ته‌ به‌ پاراستنی هەموو شایسته‌ داراییه‌كانی موچه‌خۆران، دەبێت وه‌زاره‌تی دارایی وئابوریش به‌ ڕێنمایی ‌ئەو بڕگەیە ڕێک بخات، بۆلە مەودواش هەرفەرمانبەرێکی حکومەت بڕی پاشه‌کەوتەکەی چەند بێت دەخرێتە ئەو هەژمارە بانکییەوە”.

.

 

ئەندامەکەی لیژنەی دارایی پەرلەمانی کوردستان، ئاماژەی بەوەکرد :”لەسەرەتادا هەژمارەکان بەکرداری هیچ بڕە پارەیەکی نەختی تێدا نابێت، تەنها بڕی ئەو پاشەکەوتە بەژمارە لە هەژمارەکاندا دیاری دەکرێن بۆ ئەوه‌ی مافی فەرمانبەرەکە نەفەوتێت”.

.

“حکومەت پابەند کراوە بەدانەوەی پاشه‌کەوتی موچەو  ئەو قەرزانەی کە لەئەستۆیەتی، دەبێت لە ماوەی داهاتودا بودجەش بۆ ئەو بابەتە تەرخان بکات لە داهاتی ناوخۆ و ئەو پشکەی کە لەبەغدا ڕەوانە دەکرێت” شیرکۆ جەودەت وای وت.

.

دەربارەی دیاریکردنی کەمترین موچەی خانەنشینی لە هەرێمی کوردستان، شێرکۆ جەودەت، وتی :”بەگوێرەی پێشنیارەکەی لیژنەی دارایی پەرلەمانی کوردستان، دەبێت کەمترین موچە 400 هەزار دینار بێت”.

.

ئاماژه‌ی به‌وه‌شكرد، له‌دوای چوونه‌ بواری جێبه‌جێكردنی یاسای چاكسازی حكومه‌ت ‌پێداچوونه‌وه‌ به‌ كه‌مترین موچه‌ی خانه‌نشینی ده‌كات.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل