Shadow Shadow

هەرێم نەوتی رادەستی سۆمۆ كردووە؟

ناس كورد زانیاری نوێ‌ لەبارەی رادەستكردنی نەوتی هەرێم بە بەغدا ئاشكرا دەكات

20:21 پێنج شه‌ممه‌ 28 ئادار 2019
article image

ناس كورد- ئەحمەد مستەفا

بەوتەی سەرچاوەیەكی بەرپرس لەئەنجوومەنی وەزیرانی هەرێمی كوردستان تائێستا هەرێمی كوردستان هیچ بڕە نەوتێكی رادەستی كۆمپانیای بەبازاڕكردنی نەوتی عێراق (سۆمۆ) نەكردووە و گفتوگۆ لەو بارەیەشەوە لەناو ئەنجوومەنی وەزیران و ئەنجومەنی هەرێم بۆ نەوت و گاز، نەكراوە.

سەرچاوەیەكی بەرپرس لە ئەنجومەنی وەزیرانی هەرێم تایبەت بە ناس كورد-ی ڕاگەیاند”تا ئێستا یەك بەرمیل نەوتی هەرێمی كوردستان ڕادەستی بەغداد و كۆمپانیای بەبازاڕكردنی نەوتی عێراق “سۆمۆ” نەكراوە”.

ئاماژەی بەوەش كرد كە لەو بارەیەوە تا ئێستا ئەنجومەنی وەزیران و خودی دەستەی سەرۆكایەتی حكومەت و ئەنجومەنی هەرێم بۆ نەوت و گاز گفتوگۆی بژاردەیەكی لەو جۆرەیان نەكردووە و هیچ بڕیارێك لەو بارەیەوە نەدراوە.

ئەمڕۆ (پێنجشەممە) ئەندامێكی ئەنجومەنی نوێنەرانی عێراق و بەشێك لە دەزگا میدیاییەكان، هەواڵی ڕادەستكردنی نەوتی هەرێمیان بە بەغدا بڵاوكردەوە و ڕایانگەیاند “ماوەی چەند رۆژێكە حكومەتی هەرێمی كوردستان دەستی بە هەناردەكردنی نەوت كردووە لە ڕێگای كۆمپانیای سۆمۆوە”.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل