fbpx
Shadow Shadow

سیاسه‌تی

ناس كورد به‌دواداچون بۆ پێنه‌دانی فۆڕمی ره‌تكردنه‌وه‌ی موچه‌ به‌ نه‌وه‌ی نوێ ده‌كات 

18:13 چوار شه‌ممه‌ 26 شوبات 2020
article image

ناس کورد-

سه‌رۆكی فراكسیۆنی نه‌وه‌ی نوێ له‌ په‌رله‌مانی كوردستان، ئاماژه‌ به‌وه‌ ده‌كات سه‌رۆكایه‌تی په‌رله‌مانی كوردستان ئه‌و فۆڕمه‌ ناداته‌ ئه‌ندامانی فراكسیۆنه‌كه‌یان كه‌موچه‌ی خانه‌نشینی په‌رله‌مانی پێ ره‌تده‌كه‌نه‌وه‌ و په‌رله‌مانیش هۆكاری نه‌دانی فۆڕمه‌كه‌ بۆ ته‌واونه‌بوونی رێكاره‌ یاساییه‌كانی پڕۆژه‌ی چاكسازی ده‌گه‌ڕێننه‌وه‌ نه‌ك شتی تر. 

.

دواى پەسەندکردنى یاساى چاکسازیى، چەند پەرلەمانتارێکى کوردستان کە لەناویاندا پەرلەمانتارانى نەوەى نوێ بونیان هەیە ڕایانگەیاند موچەى خانەنشینى ڕەتدەکەنەوە، کە بەپێی یاساى چاکسازیى رێکخراوە.

.

کازم فاروق، سەرۆکى فراکسیۆنى نەوەى نوێ لەهەژمارى خۆی له‌ فەیسبوک ڕایگەیاند، بۆ دووەمجارە لەگەڵ هاوڕێکانیدا داوایان لەسەرۆکایەتى پەرلەمان کردووە بۆ ئەوەى فۆڕمى ڕەتکردنەوەى خانەنشینیان پێبدەن و دەستبەجی رێکارى تایبەتیان لەو بارەیەوە بۆ بەڕێ بکرێت، بەڵام ئامادە نەبوون فۆڕمەکەیان پێبدەن.

.

بەپێی یاساى چاکسازیى، پەرلەمانتار بەئارەزومەندانە بۆی هه‌یه‌ دەستبەردارى ماف و شایستە خانەنشینیەکانى بێت، بەمەرجێک لە (30) ڕۆژ کەمتر تێپەڕنەکات لەڕێکەوتى بەکاربوونى یاساکە، داواکاریش پێشکەش بەدیوانى سەرۆکایەتى پەرلەمانى کوردستان -عێراق بکات بەمەبەستى وەرگرتنى ڕێکارى پێویست.

.

 ناس کورد لە سەرچاوەیەک له‌ په‌رله‌مانی كوردستانه‌وه‌ زانیوویه‌تی “پێنەدانى فۆڕم بەو پەرلەمانتارانە پەیوەندی بەشێوازى جێبەجێکردنى ناوەڕۆکى یاسای چاکسازییەوە هەیە”.

.

بەوتەى سەرچاوەکە، تا یاساکە نەچێتە بوارى جێبەجێکردنەوە ناتوانرێت فۆڕم بدرێتە پەرلەمانتاران بۆ ڕەتکردنەوەى خانەنیشینیەکەیان، چونکە لەیاساکەدا ئاماژە بۆ ئەوە کراوە کە دواى جێبەجێکردنى، سەرۆکایەتى دیوان نەک سەرۆکایەتى پەرلەمان بۆ ماوەى 30 ڕۆژ دەرفەت دەدات بەپەرلەمانتاران فۆڕمەکە پڕبکەنەوە.

.

لەیاساى چاکسازیدا هاتووە، دواى 90 ڕۆژ لەبڵاوکردنەوەى یاساکە لەڕۆژنامەى وه‌قائیعى کوردستان یاساکە دەچێتە بوارى جێبەجێکردنەوە.

.

لەو بارەیەوە کازم فاروق، سەرۆکى فراکسیۆنى نەوەى نوێ بەناس کوردى ڕاگەیاند، یاساکە لەڕۆژنامەى وەقائیعى کوردستان بڵاوکراوەتەوە و تەنها جێبەجێکردنى ماوە.

 

.

 

 

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل