Shadow Shadow

مەسعود بارزانی و نێچیرڤان بارزانی پەیامی هاوخەمی بۆ قوربانیانی رووداوەکەی موسڵ دەنێرن

21:00 پێنج شه‌ممه‌ 21 ئادار 2019
article image

 

ناس کورد-

 

هەریەک لە سەرۆکی پارتی دیموکراتی کوردستان و سەرۆکی حکومەتی هەرێمی کوردستان پەیامی هاوخەمی بۆ قوربانیانی ڕووداوەکەی ئەمڕۆی ڕووباری دیجلە لە موسڵ دەنێرن.

مەسعود بارزانی لە پەیامەکەیدا ڕایدەگەیەنێت: “سەرەخۆشی و هاوخەمیی خۆم ئاراستەی کەسوکاری قوربانیانی ئەو ڕووداوە دڵتەزێنە و دانیشتوانی شاری موسڵ دەکەم. لە خودای گەورە داواکارم سەبر و ئارامی بە کەسوکاری گیانلەدەستدراوان ببەخشێت و هیوای چاکبوونەوە بۆ برینداران و دۆزینەوەی ونبووان دەخوازم.”

هاوکات نێچیرڤان بارزانی سەرۆکی حکومەتی هەرێمی کوردستان جگە لە دەربڕینی هاوخەمی، جەخیش دەکاتەوە کە لەم کاتەدا سەختەدا لەگەڵ هاوڵاتیانی موسڵدا دەبن.

“هه‌ر له‌ ساتی یه‌که‌می ڕووداوه‌که‌وه‌ له‌ نزیکه‌وه‌ چاودێریی دۆخه‌که‌ و پێشهاته‌کان ده‌که‌ین، هه‌موو داموده‌زگا په‌یوه‌نداره‌کانی حکوومه‌تی هه‌رێمی کوردستان ئاراسته‌کراون و له‌ ئاماده‌باشیی ته‌واودان بۆ هه‌موو پشتیوانی و هاوکارییه‌ک، نه‌خۆشخانه‌ و به‌شه‌کانی فریاکه‌وتنیش له‌ هه‌رێمی کوردستان له‌ پێشوازیی لێقه‌وماواندان،” سەرۆکی حکومەتی هەرێم لە پەیامەکەیدا وادەڵێت.

ئەمڕۆ بەلەمێکی گەشتیاری لە ڕووباری دیجلەی شاری موسڵ وەرگەڕا و بەهۆیەوە قوربانییەکی زۆری لێکەوتەوە.

بەپێی دوایین ئامارەکان، لە ڕووداوەکەدا 76 گیانیان لەدەستداوە جگە لە ئەوانەی کە تا ئێستا بێسەروشوێنن، هاوکات 44 کەس ڕزگارکراون.

ڕێکخراوی مانگی سووری عێراقییش ڕزگارکردنی 21 منداڵی ڕایگەیاند کە حەوتیان ڕادەستی خێزانەکانیان کراوەتەوە و 14ی دیکەشیان دراون بە هێزە ئەمنییەکان بۆ دۆزینەوەی خێزانەکانیان.

 

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل