Shadow Shadow

"پرسی پارێزگاری کەرکوک دەبێت لە نێوان هەولێر و بەغدا یەکلا بکرێتەوە"

مەسعود بارزانی: ئەو بارودۆخەی لە کەرکووک هەیە ناکرێت بەردەوام بێت

11:46 شه‌ممه‌ 13 ته‌موز 2019
article image

ناس کورد-

مەسعود بارزانی پەیامێکی لەبارەی دۆخی کەرکووکەوە بڵاوکردەوە و ڕایگەیاند، کەرکووک تەنیا گرفتی سیاسیی نێوان دوو حزب یاخود چەند لایەنێک نییە، دەشڵێت: “ئەو بارودۆخەی لە کەرکوک هەیە ناکرێت بەردەوام بێت”.

.

ئەمڕۆ شەممە 13ی تەمموزی 2019، مەسعود بارزانی، سەرۆکی پارتی دیموکرات پەیامێکی بڵاوکردەوە و ڕایگەیاند: “ڕێککەوتن و هاوڕایی لایەنە کوردییەکان هەنگاوێکی گرنگە بۆ ئاساییكردنەوەی دۆخی ئەمنی و ئیداریی کەرکوک و ئەو بارودۆخەی بەسەر شارەکەدا هاتووە.”

.

مەسعود بارزانی باسی لەوەكردووە، پێویستە كێشەكانی كەركووك بە پارێزگاریشەوە سەرەتا لە نێوان هەولێر و بەغدا یەكلایی بكرێتەوە و چارەسەر بكرێت، پێشیوایە، هەر ئەنجامێك كە هەبێت دەبێ جێگەی ڕەزامەندیی هەموو پێكهاتەكانی كەركووك بێت.

.

سەرۆکی پارتی دیموکرات پێیوایە، ئێستا كەشێكی ئیجابی لە پەیوەندییەكانی نێوان هەولێر و بەغدا هاتووەتە ئاراوە و دەرفەتێكی زۆر باش هەیە كە گرفتە ئەمنی و ئیدارییەكانی كەركووك چارەسەر ببێت و لە چوارچێوەی دەستووردا كەركووك بگەڕێتەوە سەر دۆخی ئاسایی خۆی.

.

لە کۆتایی پەیامەکەیدا بارزانی جەختیکردووەتەوە: “هیچ مساوەمەیەك لەسەر كوردستانیبوونی ناسنامەی كەركووك ناكەین، بەڵکو دەبێ كەركووك ببێتە نموونەی پێكەوەژیانی نەتەوەیی و ئاینی.”

.

پەیامەکەی بارزانی لەکاتێکدایە، لەدوای دیاریکردنی تەیب جەبار، وەک کاندیدی لیستی برایەتی بۆ پارێزگاری کەرکووک، لایەنە عەرەب و تورکمانەکانی کەرکووک ناڕەزایەتی دەردەبڕن و هەربەوهۆیەوە دوێنێ، بەشێک لە هاوڵاتیانی عەرەب و تورکمان لەبەردەم بینای پارێزگای کەرکووک خۆپیشاندانێکیان ئەنجامدا و ڕەتیانکردەوە پارێزگارێکی کورد بۆ کەرکوک قبوڵ بکەن.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل