fbpx
Shadow Shadow

مەسرور بارزانى پلان و هێڵە گشتییەکانى حکومەتەکەى بۆ سەرجەم کەرتەکان خستەڕوو

12:45 چوار شه‌ممه‌ 10 ته‌موز 2019
article image

ناس کورد-

مەسرور بارزانى لە کاتى وتارەکەیدا بۆ خستنەڕوى هێڵەگشتییەکانى کابینەى داهاتوى حکومەت، ئاماژەى بەوەکرد، حکومەتێکى قەرزاریان ڕادەستکراوە، کە چەندین ملیار  دۆلار قەرزارە، ئەوش کابینە نوێکە ڕوبەڕوى قەیرانێکى دارایی قورس دەکاتەوە.

..

لەکاتى خستنەڕووى هێڵە گشتییەکانى کابینەى نۆى حکومەتى هەرێم، مەسرور بارزانى، سەرۆکوەزیرانى هەرێم سوپاسى کابینەى هەشت و نێچیرڤان بارزانى و پەرلەمانى کرد بۆ متمانە دان بە کابینەکەى، وتیشی: “خزمەتکردنى هاوڵاتییان ئەرکى لە پێشینەى ئەم کابینەیە و هاوڵاتى میحوەرى کارى ئەم کابینەیە دەبێت، لەگەڵ هاوڵاتییانى خۆمان ڕاستگۆ و شەفاف دەبین، بەڵێن دەدەین ئەوەى لەتواناماندا بێت درێغى نەکەین”.

.

مەسرور بارزانى ئاماژەى بەوەشکرد: “هەموو ئەم وەزیرانە کە لەلایەن حیزبەکانیانەوە پێشکەش کراون، بۆ لەمەودوا ئەجێندا و بەرنامەى حکومەتى هەرێم پێشکەش دەکەن و ڕێگەیان پێنادرێت لە دەرەوەى بەرنامەى حکومەت کار بکەن، نابێت بەرژەوەندییە حیزبی و کەسییەکان باڵ بەسەر وەزارەتەکانیاندا بکێشێت چونکە ئەو وەزارەتانە موڵکى هەموو خەڵکن”.

.

لەبارەى بارودۆخى دارایی حکومەت، سەرۆکوەزیرانى نوێى هەرێم، ئاشکراى کرد: “حکومەتێکمان وەرگرتووە چەندین ملیار دۆلار قەرزارە، بەشێکى زۆرى ئەم قەرزانەش دەکەونە ئەستۆى حکومەتى عێراق چونکە بودجەى نەناردووە، ئەمەش حکومەت دەخاتە دۆخێکى قورسی ئابورییەوە، بەڵام هەوڵدەدەین ئەم دۆخەش تێپەڕێنین”.

.

سەبارەت بە پەیوەندییەکانى نێوان هەرێم و بەغدا، مەسرور بارزانى باسی لەوەکرد: “عادل عەبدولمەهدى بە کردار نییەتە باشەکانى بەرامبەر هەرێم پیشانداوە، دەبێت زەمینەیەکى باشتر بڕەخسێنین بۆ دانوستان و چارەسەرکردنى کێشەکان، بۆ پیشاندانى نییەت پاکیشمان لەماوەیەکى نزیکدا سەردانى بەغدا دەکەین”.

.

لە کۆتایی وتارەکەیدا، مەسرور بارزانى ڕایگەیاند، لەم کابینەیەدا “زۆرترین کار و کەمترین وتارمان دەبێت”، داواشى لە هاوڵاتییان کرد هاوکارییان بن.

.

.

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل