fbpx
Shadow Shadow

"پێشمەرگە یەکدەخەینەوە"

مەسرور بارزانى: دەمانەوێت لەگەڵ بەغدا بگەینە ڕێککەوتنى درێژخایەن

10:08 چوار شه‌ممه‌ 02 تشرینی یه‌كه‌م 2019
article image

ناس کورد-

 

مەسرور بارزانى ڕایگەیاند، هەوڵەکانیان بۆ یەکخستنەوەى پێشمەرگە دەستپێکردووە و گفتوگانیشیان لەگەڵ بەغدا بە ئاڕاستەیەکى باشدا دەڕوات بۆ چارەسەرى کێشە هەڵپەسێردراوەکان و دەیانەوێت ڕێککەوتنیان درێژخایەن بێت.

.

مەسرور بارزانى، ئەمڕۆ (چوارشەممە، 2ی تشرینی یەکەمی 2019) لە وتارێکدا لە کۆنفرانسى زانکۆى کوردستان لەبارەى ستراتیژى حکومەتى هەرێم بۆ سەقامگیریی ڕایگەیاند “سەقامگیریی لە عێراق و کوردستان و ناوچەکە بەڕادەیەکى زۆر بەیەکەوە بەستراوەتەوە”.

.

وتیشى “لەگەڵ جێگرى سەرۆکى حکومەت و وەزیرى پێشمەرگە هەوڵمان بۆ یەکخستنەوەى هێزەکانى پێشمەرگە دەستپێکردووە، لەگەڵ هاوپەیمانانیش لەو بارەیەوە کاردەکەین”.

.

ئەوەشى خستەڕوو کە دەبێت پێشمەرگە وەک بەشێک لە سیاسەتى بەرگرى عیراق چەک و پێداویستییەکانیان پێبدرێت.

.

لەبارەى گفتوگۆکانیان لەگەڵ بەغدا، مەسرور بارزانى ئاماژەى بەوەدا، بەغدا نیگەرانییەکانیانى بەهەند وەرگرتووە و جیبەجێکردنى کارنامەى حکومەت بەندە بە پەیوەندییەکان لەگەڵ بەغدا.

.

باسى لەوەشکرد، دەرفەتێکى گرنگ بۆ چارەسەرى کێشەکان لەگەڵ بەغدا هاتووەتە ئاراوە و هەرێم دڵنیایی دەوێت بۆ گەیشتن بە ڕێککەوتن.

.

لەبارى دۆخى ناوچە جێناکۆکەکانەوە، سەرۆکى حکومەتى هەرێم جەختیکردەوە، هیچ لایەنێک ناتوانێت تاکلایەنە ئەو ناوچانە بەڕێوەببات، چونکە ئەوە دۆخێکى مەترسیدار دێنێتە کایەوە.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل